ஒவ்வொரு ஆண்டும் அக்டோபர் 28, 29 மற்றும் 30 ஆகிய 3 நாட்கள் ராமநாதபுரம் மாவட்டம் பசும்பொன்னில் முத்துராமலிங்க தேவரின் நினைவிடத்தில் குருபூஜை மற்றும் ஜெயந்தி விழா வெகு விமர்சையாக நடத்தப்படுவது வழக்கம். இந்நிலையில், இந்தாண்டு வரும் அக்டோபர் 30ஆம் தேதி (இன்று) குருபூஜை நடைபெறவுள்ளது. இதனை முன்னிட்டு முதலமைச்சர் மு.க.ஸ்டாலின், எதிர்கட்சி தலைவர்கள், பல்வேறு அரசியல் கட்சி தலைவர்களும், அமைப்புகளும் தேவர் நினைவிடத்திற்கு நேரில் சென்று மரியாதை செலுத்த உள்ளனர்.
இந்நிலையில், ராமநாதபுரம் மாவட்டம் கமுதி பசும்பொன்னில் வரும் 30ஆம் தேதி தேவர் ஜெயந்தி மற்றும் குருபூஜை விழா நடைபெற இருப்பதால் எந்தவித அசம்பாவிதம் நடைபெறாமல் இருக்கும் வகையில், பாதுகாப்பு கருதி வரும் 28, 29, 30 ஆகிய 3 தினங்களுக்கு டாஸ்மாக் கடைகளை மூட ஆட்சியர் உத்தரவு பிறப்பித்திருந்தார்.
அதன்படி, இன்று (அக்டோபர் 30) தென் மாவட்டங்களில் பல இடங்களில் டாஸ்மாக் கடைகள் மூடப்பட உள்ளது. மதுரை மற்றும் ராமநாதபுரம் மாவட்டங்களில் நேற்று முன் தினம் முதலே டாஸ்மாக் கடைகளுக்கு விடுமுறை விடப்பட்டுள்ளது. அதேபோல், புதுக்கோட்டையிலும் இன்று டாஸ்மாக் கடைகளுக்கு விடுமுறை அளிக்கப்பட்டுள்ளது.
