பாலிவுட்டில் ரஜினிகாந்த், அமிதாப் பச்சன், கமல்ஹாசன் உள்ளிட்ட முக்கிய நடிகர்களை வைத்து படம் இயக்கிய பிரயாக் ராஜ் மரணமடைந்தார். அவருக்கு திரையுலகினர் மற்றும் ரசிகர்கள் இரங்கல் தெரிவித்து வருகின்றனர். அவர் மிக பிரசித்தி பெற்ற திரை எழுத்தாளரும், நடிகரும் ஆவார். ரஜினிகாந்த், கமல்ஹாசன், அமிதாப் பச்சன் மூவரும் இணைந்து நடித்த கெராஃப்தார் படத்தை இயக்கியவர் இவர்தான். அதன்பின் ரஜினி, ஸ்ரீதேவியை வைத்து ‘கைர் கானூனி’ படத்தையும் அவர் இயக்கியிருந்தார்.
கெராஃப்தார் திரைப்படம் 1985ஆம் ஆண்டு பிரயாக் ராஜ் இயக்கிய இந்தி மொழி நாடகத் திரைப்படமாகும். இப்படத்தை எஸ்.ராமநாதன் தயாரித்திருந்தார். இதில் அமிதாப் பச்சன் , கமல்ஹாசன், மாதவி, பூனம் தில்லான் ஆகியோர் முக்கிய வேடங்களில் நடித்திருந்தனர். ரஜினிகாந்த் அமிதாப் பச்சனின் நண்பராக ஒரு சிறப்பு வேடத்தில் நடித்திருப்பார். இந்த திரைப்படம் 1985 ஆம் ஆண்டில் அதிக வசூல் செய்த மூன்றாவது திரைப்படமாகும். மேலும், இப்படம் பிளாக்பஸ்டர் ஹிட் ஆனது.
