தொழிலதிபர் கௌதம் அதானியின் குழுமம் இந்தியாவில் மட்டும் சுமார் 88,000 கோடி ரூபாய் கடன் பெற்றுள்ளது அதிர்ச்சியை ஏற்படுத்தியுள்ளது.
இந்தியாவின் மிகப்பெரிய தொழிலதிபர்களில் ஒருவர் கௌதம் அதானிக்கு எதிராக அமெரிக்காவில் கைது வாரண்ட் பிறப்பிக்கப்பட்டுள்ளது. மோசடி, ஊழல் மற்றும் லஞ்சம் என பல கடுமையான குற்றச்சாட்டுகள் முன் வைக்கப்பட்டுள்ளதால், அதானி குழுமத்தின் பங்குகள் சட்டென சரிந்தன. அதேபோல், எல்ஐசியின் பங்குகளும் சரிவை கண்டுள்ளன. வரும் நாட்களில் அதானி குழுமம் பொருளாதார ரீதியாக பாதிக்கப்பட்டால், சாமானியர்களும் பாதிக்கப்படலாம் என்று நிபுணர்கள் எச்சரிக்கின்றனர்.
எல்ஐசி அதானி குழும நிறுவனங்களில் முதலீடு செய்துள்ள நிலையில், அனைத்து அதானி குழும நிறுவனங்களிலும் ரூ.35,000 கோடிக்கும் அதிகமான பங்குகளை எல்ஐசி வாங்கியுள்ளது. அதானி குழுமத்தின் தோல்விக்குப் பிறகு எல்ஐசி ஒரு நாளில் சுமார் ரூ.12,000 கோடி நஷ்டம் அடைந்திருப்பதாக கூறப்படுகிறது. இந்நிலையில், அதானி குழுமம் எந்தெந்த வங்கிகளில் கடன் பெற்றுள்ளது என்பது குறித்து தற்போது பார்க்கலாம். பாரத ஸ்டேட் வங்கி, யூனியன் பேங்க் ஆஃப் இந்தியா, ஐடிபிஐ வங்கி, REC, ஐசிஐசிஐ, ஆக்சிஸ் வங்கி, எஸ் பேங்க், IndusInd வங்கி, IDFC முதல் வங்கி, பேங்க் ஆஃப் இந்தியா, ஆர்பிஎல் வங்கிகளில் கடன் வாங்கியுள்ளது.
ஸ்டேட் பாங்க் ஆஃப் இந்தியா, பஞ்சாப் நேஷனல் வங்கி, பாங்க் ஆப் பரோடா ஆகிய வங்கிகளின் மொத்த கடன் தொகை சுமார் 40,000 ஆயிரம் கோடி ரூபாய். இதில், எஸ்பிஐ வங்கி அதானிக்கு அதிகபட்சமாக 27,000 கோடி ரூபாயும், பிஎன்பி 7,000 கோடி ரூபாயும், பிஓபி 5,380 கோடி ரூபாயும் கடனாக வழங்கியுள்ளன.
வங்கிகளும், நிதி நிறுவனங்களும் அதானி குழுமத்திற்கு மொத்தம் ரூ.88,000 கோடி கடனாக வழங்கியுள்ளன. அந்த குழும பங்குகள் சுமார் 20% வரை சரிந்ததால், சுமார் 2.2 லட்சம் கோடி ரூபாய் இழந்துள்ளது. இந்நிலையில், அதானி குழுமத்தின் இந்த அதிர்ச்சியை சமாளிக்கும் போது, வரும் நாட்களில் பிக்சட் டெபாசிட் மற்றும் இதர சேமிப்பு திட்டங்களுக்கான வட்டி குறைக்கப்படுமா? என்ற கேள்வி எழுந்துள்ளது.
Read More : கேஸ் சிலிண்டரின் டியூபில் இருக்கும் ஆபத்து..!! கட்டாயம் தெரிந்து கொள்ளுங்கள்..!! இந்த தவறை செய்யாதீங்க..!!
