97வது அகாடமி விருது வழங்கும் விழா அமெரிக்காவின் லாஸ் ஏஞ்சல்ஸில் உள்ள டால்பி தியேட்டரில் நடைபெற்றது. தி ப்ரூடலிஸ்ட் படத்திற்காக அட்ரியன் பிராடி சிறந்த நடிகருக்கான விருதைப் பெற்றார். மறுபுறம், அனோரா திரைப்படம் சிறந்த நடிகை மற்றும் சிறந்த படம் உட்பட ஐந்து விருதுகளைப் பெற்றுள்ளது. இந்த ஆண்டு, நகைச்சுவை நடிகர் கோனன் ஓ’பிரையன் முதல் முறையாக விருது நிகழ்ச்சியை தொகுத்து வழங்கினார். ஆஸ்கார் கோப்பையை வடிவமைத்தவர் யார், அதன் விலை எவ்வளவு தெரியுமா? அதுகுறித்து இந்த பதிவில் பார்க்கலாம்.
ஆஸ்கார் கோப்பையை வடிவமைத்தவர் யார்? அமெரிக்கன் எம்ஜிஎம் ஸ்டுடியோவின் கலை இயக்குநராக இருந்த கெட்ரிக் கிப்பன்ஸ், ஆஸ்கார் கோப்பையை வரைந்தார். இந்த வடிவமைப்பை உருவாக்கும் பணியை அமெரிக்க சிற்பி ஜார்ஜ் மைட்லேண்ட் ஸ்டான்லி செய்தார். ஸ்டான்லி ஒன்று அல்லது இரண்டு அல்ல, பல மாதிரிகளை உருவாக்கினார், அவற்றில் ஒன்றை மட்டுமே செட்ரிக் தேர்ந்தெடுத்தார்,
ஆஸ்கார் கோப்பையின் எடை எவ்வளவு? ஆஸ்கார் விருதுகளை வழங்கும் அகாடமியில் சுமார் 10,000 உறுப்பினர்கள் உள்ளனர். அவர்கள் அனைவரும் ஏதோ ஒரு வகையில் திரைப்படத் துறையுடன் தொடர்புடையவர்கள். உலகம் முழுவதிலுமிருந்து வரும் திரைப்பட ஆளுமைகளுக்கு வழங்கப்படும் ஆஸ்கார் விருது 13.5 அங்குல நீளம் கொண்டது. அதன் எடை 8.5 பவுண்டுகள், அதாவது சுமார் 4 கிலோ.
ஒரு ஆஸ்கார் கோப்பையின் விலை என்ன? ஆஸ்கார் விருது வென்றவருக்குக் கிடைக்கும் கோப்பை வெண்கலத்தால் ஆனது. இது 24 காரட் தங்கத்தால் பூசப்பட்டுள்ளது. ஒரு கோப்பையை உருவாக்க சுமார் 400 டாலர்கள் அதாவது 35,000 ரூபாய் செலவாகும்.
