கடந்த சில வாரங்களாக ரயில் விபத்துகள் தொடர்ச்சியாக நடைபெற்று வருகிறது. ரயில் பயணம் மிகவும் இனிமையான மற்றும் அற்புதமான பயண அனுபவமாக இருக்கும் என்ற எண்ணமே தற்போது மாறி வருகிறது. இதற்கிடையே, ரயிலில் பயணிக்கும் போது நம் அனைவரின் மனதிலும் இந்த கேள்வி எழுந்திருக்கும். அதுதான் தண்டவாளங்களுக்கு இடையே ஏன் ஜல்லி கற்கள் இருக்கிறது என்பது. அதுகுறித்து இந்தப் பதிவில் பார்ப்போம்.
ட்ராக் பேலாஸ்ட் என்பது ரயில் பாதைகளில் உள்ள நொறுக்கப்பட்ட கற்களைக் குறிக்கும் கூட்டுச் சொல்லாகும். ஒரு கப்பலை நிலைநிறுத்தப் பயன்படுத்தப்படும் கற்களைக் குறிக்கப் பயன்படுத்தப்படும் கடல் வார்த்தையில் இருந்து ‘பேலாஸ்ட்’ என்ற சொல் பெறப்பட்டது. இது பிரிட்டிஷ் நிலக்கரி கப்பல்கள் திரும்பும் பயணத்தின் போது எதிர் எடை போடுவதற்கு பயன்படுத்தப்பட்ட நொறுக்கப்பட்ட கல் ஆகும்.
அவை தண்டவாளத்திற்கு அடியில், ரயில் பாதைகளைச் சுற்றி நிரப்பப்பட்டுள்ளன. அவை ரயில்வே ஸ்லீப்பர்களுக்கான தரையை உருவாக்குகின்றன. அவை ரயில்வே தண்டவாளங்களை நேராகவும் சரியான இடைவெளியாகவும் வைத்திருக்க உதவுகின்றன. ரயில்வே ஸ்லீப்பர்கள் என்பது தண்டவாளத்திற்கு செங்குத்தாக வைக்கப்படும் செவ்வக ஆதரவுப் பகுதி. ஸ்லீப்பர்கள் கடந்த காலங்களில் மரத்தால் செய்யப்பட்டன. ஆனால் இப்போது அவை முக்கியமாக கான்கிரீட் மூலம் உருவாக்கப்படுகின்றன.
இந்த கற்கள் இரயில் பாதைகளுக்கு இடையில், கீழே மற்றும் சுற்றி நிரம்பியுள்ளது. ட்ராக் பேலாஸ்டின் தடிமன் வழக்கமாக சுமார் 25 முதல் 30 செ.மீ வரை இருக்கும். சில சமயங்களில் அந்த தடத்தின் போக்குவரத்தின் அளவைப் பொறுத்து அதிகம் இருக்கும். ட்ராக் பேலாஸ்ட் எந்த வகையான கல்லாலும் செய்ய முடியாது. ஆற்றுப் படுகைகள் அல்லது அலங்காரத்திற்குப் பயன்படுத்தப்படும் மென்மையான, வட்டமான கூழாங்கற்களை ரயில் தண்டவாளங்களில் பயன்படுத்தினால், ரயில் பாதைகளில் ரயில் கடக்கும்போது அவை ஒன்றுடன் ஒன்று உருளலாம்.
எனவே தவறான வகை கல், ரயில் பாதைகளுக்கு ஆதரவை வழங்குவதற்கான டிராக் பேலாஸ்டின் தேவையை நிறைவேற்றாது. அதிகம் நகராத கற்கள் மட்டுமே இதற்கு ஏற்றதாக இருக்கும். அதனால்தான் ரயில் தண்டவாளத்தில் கூர்மையான விளிம்புகள் கொண்ட கற்கள் தண்டவாளத்தை நிலைப்படுத்த பயன்படுத்தப்படுகின்றன. மேலும், அந்த கற்கள் ரயில் பாதைகளில் தாவரங்கள் வளர்வதை தடுக்கிறது. ரயில் ஓடும் போது ஏற்படும் அதிர்வுகளை கற்கள் உள்வாங்கிக் கொண்டு ரயிலை நிலையாக ஓட உதவி புரிகிறது.
Read More : மீண்டுமா..? சென்னை உள்ளிட்ட 4 மாவட்டங்களில் இன்று அதி கனமழை பெய்யும்..!! வானிலை ஆய்வு மையம் அலர்ட்..!!
