இந்தியாவில் 90 சதவீத மக்கள் மொபைல் போன் பயன்படுத்துகின்றனர். இருப்பினும், இதில் தொழில்நுட்ப தகவல்களை, நுட்பங்களை அறியாத மக்கள் பலர் உள்ளனர். எனவே, தேவையற்ற ஸ்பேம் அழைப்புகள் மூலம் மக்கள் மோசடிக்கு ஆளாவதை தடுக்கும் வகையில், தொலைத்தொடர்பு ஒழுங்குமுறை ஆணையமான TRAI புதன்கிழமை ஒரு முக்கிய முடிவை எடுத்துள்ளது.
தொலைத்தொடர்பு துறை (DoT) தேவையில்லாத வணிக தொடர்புகளை (UCC) கட்டுப்படுத்த கடுமையான நடவடிக்கை எடுத்துள்ளது. அதன் ஒரு பகுதியாக நாடு முழுவதும் சுமார் 1.75 லட்சம் தொலைபேசி எண்கள் தடைசெய்யப்பட்டுள்ளன. இந்த நடவடிக்கை, TRAI-யின் புதிய எதிர்ப்பு-ஸ்பாம் விதிமுறைகள் கீழ் எடுக்கப்பட்டதாகும், இது மோசடி சந்தைப்படுத்தல் அழைப்புகள் மற்றும் சட்டவிரோத தொலைத்தொடர்பு செயல்பாடுகளைத் தடுக்க உருவாக்கப்பட்டதாகும்.
DoT இந்த பெரிய அளவிலான நடவடிக்கையை Chakshu போர்டல் வழியாக பொதுமக்களின் பங்குபற்றுதலுடன் ஆரம்பித்தது. இந்த போர்டல் மூலம் பயனர் ஸ்பாம் அல்லது மோசடி அழைப்புகளை புகார் அளிக்கலாம். பல்வேறு புகார்கள் கிடைத்ததையடுத்து, DoT ஆயிரக்கணக்கான Direct Inward Dialing (DID) எண்கள் மற்றும் லேண்ட்லைன் எண்களை அடையாளம் கண்டு தடைசெய்தது, அவை அனுமதியின்றி சந்தைப்படுத்தல் மற்றும் மோசடிக்காக பயன்படுத்தப்பட்டன.
மேலும், அரசாங்கம் இவ்வாறு தவறாக எண்களை பயன்படுத்தும் நிறுவனங்களை எச்சரித்துள்ளது. இது மட்டுமல்லாது, கடுமையான அபராதங்கள் மற்றும் உபகரணங்களை பறிமுதல் செய்வது போன்ற நடவடிக்கைகள் மேற்கொள்ளப்படும் என்று அறிவித்துள்ளது.
DoT எந்த தொலைபேசி எண்களைத் தடைசெய்தது? DoT-யின் அதிகாரப்பூர்வ X தள தரவுகளின்படி, தடைசெய்யப்பட்ட எண்கள் 0731, 079, 080 போன்ற முன்னொட்டுகளை கொண்டிருந்தன. இந்த எண்ணுகள் தவறாக பயன்படுத்தப்பட்டதாக கண்டறியப்பட்டது. இந்த எண்கள் தொலைத்தொடர்பு செயல்பாடுகளுக்கான விசாரணை மேற்கொள்ளப்பட்ட பிறகு, பொய்யான சந்தைப்படுத்தல் அழைப்புகள் மற்றும் பிற மோசடி செயல்களில் ஈடுபட்டிருந்தது உறுதி செய்யப்பட்டது. இதனை தொடர்ந்து கடுமையான நடவடிக்கை எடுக்கப்பட்டது.
TRAI-யின் புதிய UCC விதிமுறைகள்: TRAI-யின் புதுப்பிக்கப்பட்ட வணிக தொடர்பு (UCC) விதிமுறைகள் படி, அனுமதியின்றி விளம்பர அழைப்புகள் செய்யும் நிறுவனங்கள் கடுமையான நடவடிக்கைகளை எதிர்கொள்கின்றன.
* தொலைபேசி எண்களை தடைசெய்தல்
* தொலைத்தொடர்பு உபகரணங்களை பறிமுதல் செய்தல்
* பெரிய அளவிலான நிதி அபராதங்கள் விதித்தல்
போலி அழைப்புகளை எப்படி புகார் செய்யலாம்? சந்தேகமான அல்லது விளம்பர அழைப்புகளைப் பெற்றால், அவற்றை Sanchar Saathi தளத்தின் கீழ் செயல்படும் Chakshu போர்டல் வழியாக நேரடியாக புகார் செய்யலாம்.
* Sanchar Saathi இணையதளத்திற்கு செல்லுங்கள் அல்லது அதன் பயன்பாட்டை (app) பதிவிறக்கம் செய்யுங்கள்.
* Chakshu பிரிவுக்குள் நுழையுங்கள்.
* திரையில் வழங்கப்படும் வழிமுறைகளைப் பின்பற்றி, மோசடி எண்ணிற்கு எதிராக புகார் அளியுங்கள்.
Read more: செக் புக் பயன்படுத்துறீங்களா? இந்த விஷயத்தில் கவனமா இருக்கணும்!
