19 கிலோ எடை கொண்ட வணிக பயன்பாட்டிற்கான சமையல் சிலிண்டரின் விலை ரூ.39 குறைக்கப்பட்டுள்ளது.
சர்வதேச சந்தையின் கச்சா எண்ணெய் விலை, அமெரிக்க டாலருக்கு நிகராக இந்திய ரூபாயின் மதிப்பு உள்ளிட்டவற்றின் அடிப்படையில் பெட்ரோல், டீசல், சமையல் எரிவாயு விலையை எண்ணெய் நிறுவனங்கள் நிர்ணயித்து வருகின்றன. அதன்படி, சிலிண்டர் விலையை மாதத்திற்கு ஒருமுறை அல்லது இரண்டு முறை மாற்றியமைக்கப்பட்டு வருகிறது.
இந்நிலையில், நடப்பு மாதத்திற்கான சமையல் எரிவாயு சிலிண்டர் விலையை எண்ணெய் நிறுவனங்கள் வெளியிட்டுள்ளன. அதன்படி, 14.2 கிலோ எடை கொண்ட வீட்டு உபயோக சமையல் எரிவாயு சிலிண்டர் விலையில் மாற்றம் செய்யப்படவில்லை. அதே நேரத்தில் 19 கிலோ எடை கொண்ட சிலிண்டர் விலை மாற்றப்பட்டுள்ளது. 19 கிலோ எடை கொண்ட வணிக பயன்பாட்டிற்கான சமையல் சிலிண்டரின் விலை ரூ.39 குறைக்கப்பட்டுள்ளது. ரூ.1968.50க்கு விற்பனை செய்யப்பட்டு வந்த நிலையில், ரூ.39 குறைந்து ரூ.1929.50-க்கு விற்பனை செய்யப்படுகிறது.
