உடல் எடை இழப்பு மற்றும் அதிகரிப்பு இரண்டுக்கும் உதவும் வகையில் வாழைப்பழம் பேரீட்சைப்பழத்தை வைத்து மில்க் ஷேக் செய்வது எப்படி என பார்க்கலாம்.
நம்மில் பலர் உடல் எடையை குறைக்க முயற்சிப்போம். இன்னும் சிலர், உடல் எடையை அதிகரிக்க முயற்சிப்போம். வாழைப்பழத்தை கொண்டு தயாரிக்கப்படும் பானம் இந்த இரண்டு பிரச்சினைக்கும் உதவும். தேவையான பொருட்கள் : வாழைப்பழம் – 3, பேரீட்சைப்பழம் – 10, பாதாம் – 5 பருப்பு, முழு கொழுப்புள்ள பால் – 1/2 லிட்டர், சர்க்கரை – 2 ஸ்பூன், வெண்ணிலா எசென்ஸ் – 1/4 தேக்கரண்டி (தேவைப்பட்டால்), ஐஸ் கட்டிகள் – தேவையான அளவு.
செய்முறை : வாழைப்பழம் பேரீட்சைப்பழ மில்க் ஷேக் செய்ய, முதல் நாள் இரவே பாதாமை தண்ணீரில் ஊறவைத்து எடுத்து கொள்ள வேண்டும். முதல், வாழைப்பழத்தை தோல் நிக்கி சிறு சிறு துண்டுகளாக நறுக்கி வைக்கவும். இதையடுத்து, எடுத்து வைத்துள்ள பேரிச்சம் பழத்தை விதை நிக்கி எடுத்துக்கொள்ளவும். ஊறவைத்த பாதாமை தோல் நிக்கி எடுத்துக்கொள்ளவும். இதை தொடர்ந்து, மிக்ஸி ஜாரில் நறுக்கிய வாழைப்பழம், பேரிச்சம் பழம், பாதாம், சர்க்கரை, வெண்ணிலா எசென்ஸ், ஐஸ் கட்டி, காய்ச்சிய பால் சேர்த்து நன்கு அரைத்து எடுத்தால் வாழைப்பழம் பேரீட்சைப்பழ மில்க் ஷேக் ரெடி.
