மேற்கிந்தியத் தீவுகள் அணியின் கிரிக்கெட் சாம்பியன் கிரேட் டுவைன் பிராவோ, இடுப்பு காயம் காரணமாக அனைத்து வகையான ஆட்டங்களிலிருந்தும் ஓய்வு பெறுவதாக அறிவித்தார். அடுத்த மாதம் 41 வயதை எட்டவுள்ள பிராவோ, இதுவரை 582 போட்டிகளில் விளையாடி 631 விக்கெட்டுகள் மற்றும் 6970 ரன்களை எடுத்துள்ளார்.
இதுகுறித்து, டுவைன் பிராவோ வெளியிட்டுள்ள இன்ஸ்டா பதிவில், “கிரிக்கெட் வீரராக இருபத்தி ஒரு வருடங்கள்.. இது ஒரு நம்பமுடியாத, மறக்க முடியாத பயணம், பல உயர்வும் சில தாழ்வுகளும் நிறைந்தது. மிக முக்கியமாக, நான் ஒவ்வொரு முறையும் எனது100 சதவீதம் உழைப்பை கொடுத்ததால் தான் என் கனவை வாழ முடிந்தது. நான் இந்த உறவைத் தொடர விரும்புகிறேன், ஆனால், இது யதார்த்தத்தை எதிர்கொள்ள வேண்டிய நேரம் இது..
எனது மனம் தொடர்ந்து செல்ல விரும்புகிறது, ஆனால் என் உடலால் இனி வலி, முறிவுகள் மற்றும் சிரமங்களைத் தாங்க முடியாது. எனது அணியினர், எனது ரசிகர்கள் மற்றும் நான் பிரதிநிதித்துவப்படுத்தும் அணிகளை நான் வீழ்த்திவிடக்கூடிய நிலையில் என்னால் இருக்க முடியாது. எனவே, கனத்த இதயத்துடன், இன்று நான் விளையாட்டிலிருந்து ஓய்வு பெறுவதை அதிகாரப்பூர்வமாக அறிவிக்கிறேன்,” என்று பதிவிட்டிருந்தார்.
இரண்டு முறை டி20 உலகக் கோப்பை வென்ற பிராவோ, தனது நாட்டை மிக உயர்ந்த மட்டத்தில் பிரதிநிதித்துவப்படுத்தியதற்கு நன்றி தெரிவிக்கும் வகையில் ஒரு தனி இன்ஸ்டாகிராம் பதிவையும் செய்துள்ளார். அந்த பதிவில், “எனது சிறுவயது கனவை வாழவும், எனது நாட்டை மிக உயர்ந்த மட்டத்தில் பிரதிநிதித்துவப்படுத்தவும் முடிந்ததை நான் என்றென்றும் போற்றுவேன்! ” என்றார்.
2021 ஆம் ஆண்டு சர்வதேச கிரிக்கெட்டில் இருந்து ஓய்வு பெற்ற பிராவோ, மேற்கிந்திய தீவுகளுக்காக 40 டெஸ்ட், 164 ஒருநாள் மற்றும் 91 டி20 போட்டிகளில் விளையாடி 6000 ரன்களையும் 350 விக்கெட்டுகளையும் எடுத்துள்ளார். அவர் ஐபிஎல், பிஎஸ்எல், பிபிஎல் மற்றும் சிபிஎல் போட்டிகளில் பட்டங்களை வென்றார். அவரது ஐந்து சிபிஎல் பட்டங்களில் மூன்று டிரின்பாகோ நைட் ரைடர்ஸுடன் உள்ளன. அவர் தனது கடைசி போட்டியில் அதே அணிக்காக விளையாடியது குறிப்பிடத்தக்கது.
Read more ; இஸ்ரேல் தாக்குதலில் ஹிஸ்புல்லாவின் ஏவுகணை பிரிவு தளபதி உயிரிழப்பு..!! தாக்குதல் தொடரும் என அறிவிப்பு..!!
