விஜய் டிவியில் கடந்த 2017ஆம் ஆண்டு தொடங்கப்பட்ட ரியாலிட்ரி ஷோ தான் பிக்பாஸ். இந்த நிகழ்ச்சியின் 7-வது சீசன் தற்போது விறுவிறுப்பாக சென்று கொண்டிருக்கிறது. எந்த சீசனிலும் இல்லாத அளவுக்கு இந்த சீசனில் பல ட்விஸ்டுகள் அரங்கேறி வருவதால், யார் டைட்டில் வின்னர் ஆவார் என்ற எதிர்பார்ப்பில் ரசிகர்கள் காத்திருக்கின்றனர்.
மேலும், எந்த சீசனிலும் இல்லாத அளவிற்கு இந்த சீசனால் கமல் அதிகளவான சர்ச்சைகளில் சிக்கி வருகிறார். குறிப்பாக, பிரதீப்பிற்கு ரெட் காட் கொடுக்கப்பட்டதால் கமல் செய்தது தவறு என்று ரசிகர்கள் பலரும் எதிர் கருத்துக்களை தெரிவித்து வருகின்றனர். இதனால் கமல் ஒரு அதிரடி முடிவை எடுத்துள்ளாராம்.
அதாவது, இனி வரும் அடுத்தடுத்த பிக்பாஸ் சீசன்களை கமல் தொகுத்து வழங்கப்போவதில்லையாம். பிக்பாஸ் 7 தான் கமல்ஹாசனின் கடைசி சீசன் என்று கூறப்படுகிறது. அடுத்த பிக்பாஸ் 8 சீசனை வேறொரு நட்சத்திரம் தான் தொகுத்து வழங்க போகிறார் என்று கூறப்படுகிறது. ஆனால், இது குறித்த அதிகாரப்பூர்வ அறிவிப்பு விரைவில் வெளியாகும் என்றும் தகவல் வெளியாகியுள்ளது.
