PM modi: கர்ப்பப்பை வாய் புற்றுநோய்க்கு எதிரான மாதிரி கருவிகள், கண்டறிதல் கருவிகள் மற்றும் தடுப்பூசிகளுக்கு 7.5 மில்லியன் அமெரிக்க டாலர் நிதியுதவியை பிரதமர் நரேந்திர மோடி அறிவித்துள்ளார்.
டெலாவேரில் நடந்த கேன்சர் மூன்ஷாட் நிகழ்ச்சியில் பேசிய மோடி, உலகளாவிய சுகாதாரப் பாதுகாப்பு மற்றும் கர்ப்பப்பை வாய்ப் புற்றுநோய்க்கு எதிரான அதன் முன்முயற்சிகளுக்கு இந்தியாவின் உறுதிப்பாட்டை வலியுறுத்தினார் . “புற்றுநோயின் சுமையை குறைக்க, தடுப்பு, பரிசோதனை, கண்டறிதல் மற்றும் சிகிச்சையின் ஒருங்கிணைந்த அணுகுமுறை அவசியம் என்று குறிப்பிட்ட பிரதமர் மோடி, இந்தியாவில், மிகவும் செலவு குறைந்த கர்ப்பப்பை வாய்ப் புற்றுநோய் பரிசோதனை திட்டம் மேற்கொள்ளப்படுகிறது,” என்று கூறினார். இந்தியாவும் கர்ப்பப்பை வாய்ப் புற்றுநோய்க்கான தனது சொந்த தடுப்பூசியை உருவாக்கியுள்ளது மற்றும் செயற்கை நுண்ணறிவின் உதவியுடன் புதிய சிகிச்சை நெறிமுறைகளை அறிமுகப்படுத்துகிறது என்றும் பிரதமர் தெரிவித்தார்.
உலகின் மிகப் பெரிய மருத்துவக் காப்பீட்டுத் திட்டம் மற்றும் மலிவு விலையில் மருந்துகளுக்கான சிறப்பு மையங்கள் மூலம் மலிவு விலையில் சுகாதார சேவையை வழங்குவதற்கான இந்தியாவின் முயற்சிகளை மோடி எடுத்துரைத்தார் . GAVI மற்றும் QUAD முன்முயற்சிகளின் கீழ் இந்தோ-பசிபிக் பகுதிக்கு இந்தியா 40 மில்லியன் தடுப்பூசி அளவை பங்களிக்கும் என்று அவர் அறிவித்தார் . மேலும், “இந்த நிகழ்வை ஏற்பாடு செய்ததற்காக நான் அதிபர் பிடனுக்கு நன்றி தெரிவிக்க விரும்புகிறேன் என்று கூறிய பிரதமர் மோடி, இது மலிவு, அணுகக்கூடிய மற்றும் தரமான சுகாதார சேவையை வழங்குவதற்கான எங்கள் பகிரப்பட்ட உறுதியை பிரதிபலிக்கிறது” என்று கூறினார். இந்தியா தனது அனுபவத்தையும் நிபுணத்துவத்தையும் மற்ற நாடுகளுடன் பகிர்ந்து கொள்ளத் தயாராக இருப்பதையும், கதிரியக்க சிகிச்சை மற்றும் திறன் மேம்பாட்டில் அதன் ஒத்துழைப்பையும் அவர் குறிப்பிட்டார்.
அமெரிக்க அதிபர் ஜோ பைடன் தலைமையிலான கேன்சர் மூன்ஷாட் நிகழ்ச்சி, பல்வேறு துறைகளின் ஒத்துழைப்பு மூலம் புற்றுநோய் சிகிச்சையில் முன்னேற்றத்தை ஏற்படுத்துவதை நோக்கமாகக் கொண்டுள்ளது. இன்றுவரை, இது 170 தனியார் நிறுவனங்கள், இலாப நோக்கற்ற நிறுவனங்கள், கல்வி நிறுவனங்கள் மற்றும் நோயாளி குழுக்களின் பங்களிப்புகளுடன் 95 க்கும் மேற்பட்ட புதிய திட்டங்கள், கொள்கைகள் மற்றும் வளங்களை அறிமுகப்படுத்தியுள்ளது குறிப்பிடத்தக்கது.
Readmore: ஷாக்!. இந்தியாவில் மேலும் ஒருவருக்கு Mpox வைரஸ்!. ஆலப்புழாவை சேர்ந்த நபர் அறிகுறிகளுடன் அனுமதி!
