சர்வதேச பொருளாதார சூழல், அமெரிக்க டாலருக்கு நிகரான இந்திய ரூபாயின் மதிப்பு ஆகியவற்றின் அடிப்படையில் தங்கம் விலை நிர்ணயம் செய்யப்படுகிறது. அந்த வகையில், தங்கத்தின் விலை உயர்வுக்கு இஸ்ரேல் போர் காரணமாக அமைந்துள்ளது என பொருளாதார நிபுணர்கள் கருத்து தெரிவித்துள்ளனர்.
இன்றைய விலை நிலவரப்படி ஒரு கிராம் ஆபரணத்தங்கத்தின் விலை ரூ.5,686-க்கும், சவரனுக்கு ரூ.232 குறைந்து ஒரு சவரன் ஆபரணத் தங்கத்தின் விலை ரூ.45,488-க்கும் விற்பனை செய்யப்படுகிறது. தங்கத்தின் விலை குறைந்த அதே நேரத்தில் வெள்ளியின் விலையும் கிராமுக்கு ரூ1.20 குறைந்துள்ளது.
இன்றைய விலை நிலவரப்படி ஒரு கிராம் வெள்ளியின் விலை ரூ.77க்கும், கிலோ வெள்ளி விலை ரூ.77,000-க்கும் விற்பனை செய்யப்படுகிறது. மாதத்தின் முதல் நாளிலேயே தங்கத்தின் விலை குறைந்திருப்பது நகைப்பிரியர்கள், இல்லத்தரசிகள், முதலீட்டாளர்கள் இடையே பெரும் மகிழ்ச்சியையும், உற்சாகத்தையும் ஏற்படுத்தியுள்ளது.
