தமிழ்நாடு அரசு பணியாளர் தேர்வாணையம் நடத்தவுள்ள ஒருங்கிணைந்த குடிமைப்பணிகள் தேர்வு-IV-க்கான இலவச பயிற்சியில் சேர பதிவு செய்து கொள்ளலாம்.
இதுகுறித்து தருமபுரி மாவட்ட ஆட்சித்தலைவர் தனது செய்தி குறிப்பில்; தருமபுரி மாவட்ட வேலைவாய்ப்பு மற்றும் தொழில்நெறி வழிகாட்டும் மையத்தில் தன்னார்வ பயிலும் வட்டம் செயல்பட்டு வருகிறது. தமிழ்நாடு அரசு பணியாளர் தேர்வாணையம் நடத்தவுள்ள கிராம நிர்வாக அலுவலர், இளநிலை உதவியாளர். தட்டச்சர் பதவிகளுக்கான ஒருங்கிணைந்த TNPSC-GROUP-IV தேர்விற்கான இலவச பயிற்சி வகுப்புகள் மாவட்ட வேலைவாய்ப்பு மற்றும் தொழில்நெறி வழிகாட்டும் மையம் தருமபுரியில் 04.12.2023 திங்கட்கிழமை முதல் நடைபெற்று வருகிறது.
இப்பயிற்சி வகுப்பில் சேர விருப்பமுள்ளவர்கள் இந்த https://tinyurl.com/2xmb4ts9 என்ற இணையதளம் வாயிலாக பதிவு செய்து கொள்ள வேண்டும். மேலும் விவரங்களுக்கு அலுவலக தொலைபேசி எண் 04342-296188 வாயிலாக தொடர்பு கொள்ளலாம். இம்மாவட்டத்தில் தகுதிவாய்ந்த தேர்வர்கள் பயிற்சி வகுப்பில் சேர்ந்து பயன்பெறுமாறு மாவட்ட ஆட்சியர் தெரிவித்துள்ளார்.
