அரியலூர் மருத்துவக் கல்லூரி மருத்துவமனையில் காலியாக உள்ள பணியிடங்களை நிரப்புவதற்கான வேலைவாய்ப்பு அறிவிப்பினை வெளியிட்டு இருக்கிறது. அந்த அறிவிப்பின்படி அரியலூர் அரசு மருத்துவக் கல்லூரி மருத்துவமனையில் மல்டி பர்ப்பஸ் ஹெல்பர் மற்றும் செக்யூரிட்டி கார்டு பணிகளுக்கு காலியாக உள்ள மூன்று இடங்களை நிரப்புவதற்கான வேலை வாய்ப்பு அறிவிப்பு வெளியிடப்பட்டுள்ளது. இந்த வேலை வாய்ப்பிற்கு தகுதியும் விருப்பமும் உள்ள நபர்கள் விண்ணப்பிக்குமாறு அந்த அறிவிப்பில் கேட்டுக் கொள்ளப்பட்டுள்ளது.
அந்த அறிவிப்பில் மல்டி பர்ப்பஸ் ஹெல்ப்பர் பணிகளை விண்ணப்பிக்க விருப்பமுள்ளவர்கள் எட்டாவது வகுப்பில் தேர்ச்சி பெற்றிருக்க வேண்டும். செக்யூரிட்டி கார்ட் பணிக்கு விண்ணப்பிக்க விருப்பமுள்ளவர்கள் பத்தாம் வகுப்பில் தேர்ச்சி பெற்றிருக்க வேண்டும் என தெரிவிக்கப்பட்டுள்ளது. இந்த வேலை வாய்ப்பிற்கு விண்ணப்பிக்க விரும்பும் உள்ளவர்களுக்கு குறைந்தபட்ச வயது 21 ஆகவும் அதிகபட்ச வயது 40 ஆகவும் நிர்ணயிக்கப்பட்டுள்ளது. இந்த வேலைவாய்ப்பில் தேர்ந்தெடுக்கப்படுபவர்களுக்கு மாத ஊதியமாக ரூ.6,400 முதல் ரூ.10,000 வரை ஊதியம் வழங்கப்படும் என அந்த அறிவிப்பில் தெரிவிக்கப்பட்டு இருக்கிறது.
இந்த வேலை வாய்ப்பிற்கு ஆஃப்லைன் முறையில் மட்டுமே விண்ணப்பிக்க முடியும். இந்த வேலைவாய்ப்பில் சேர தகுதியும் விருப்பமும் உள்ள நபர்கள் தங்களது விண்ணப்ப படிவத்தினை சகி ஒன் ஸ்டாப் சென்டர், அரசு மருத்துவக் கல்லூரி மருத்துவமனை வளாகம், அரியலூர் சித்த மருத்துவமனைக்கு எதிரில், அரியலூர்-621704 என்ற முகவரிக்கு 24.03.2023 தேதிக்குள் விண்ணப்பிக்குமாறு கேட்டுக் கொள்ளப்படுகிறார்கள். விண்ணப்பதாரர்கள் தகுதி மற்றும் நேர்காணல் முறையில் தேர்ந்தெடுக்கப்படுவார்கள் என அந்த அறிவிப்பில் வெளியிடப்பட்டிருக்கிறது. மேலும் இந்த வேலை வாய்ப்பினை பற்றிய பெரு தகவல்களை அறிய gmch.gov.in என்ற இணையதளம் முகவரியில் சென்று தெரிந்து கொள்ளலாம்.
