நகர்ப்புறங்கள் மொபைல் சிக்னல் பிரச்சனை இருக்காது. ஆனால் ஊரக பகுதிகள் மற்றும் கிராமப்புறங்களில் மக்கள் இன்னும் சிக்னல் பிரச்சனைகளை சந்தித்து வருகின்றனர். இந்த நிலையில் சிக்னல் பிரச்சனைகளை சந்திக்கும் பயனர்களுக்கு ஒரு குட்நியூஸ் வெளியாகி உள்ளது.
மத்திய தொலைத்தொடர்புத் துறை தற்போது இன்ட்ரா சர்க்கிள் ரோமிங் (ICR) வசதியை அறிமுகம் செய்துள்ளது. அதாவது இதன் மூலம் தொலைத்தொடர்பு சேவை வழங்குநர்கள் அரசாங்க நிதியுதவி பெறும் மொபைல் கோபுரங்களில் உள்கட்டமைப்பைப் பகிர்ந்து கொள்ள முடியும்.
ஜியோ, ஏர்டெல் மற்றும் BSNL பயனர்கள் 4G நெட்வொர்க்குகளை அணுகவும், தங்கள் சொந்த செல்லுலார் கோபுரங்களின் வரம்பிற்குள் இல்லாவிட்டாலும் அழைப்புகளைச் செய்யவும் முடியும். இந்த பயனர்கள் DBN நிதியுதவி பெறும் ஒற்றை கோபுரம் மூலம் 4G சேவைகளை அணுக முடியும்.
DBN என்பது டிஜிட்டல் பாரத் நிதி, இந்தியாவில் தொலைத்தொடர்பு சேவைகளின் தரம் மற்றும் அணுகலை மேம்படுத்துவதை நோக்கமாகக் கொண்ட ஒரு நிதியாகும். இது தொலைத்தொடர்புச் சட்டம், 2023 இன் ஒரு பகுதியாக இந்திய அரசாங்கத்தால் உருவாக்கப்பட்டது, மேலும் முன்னர் 1885 ஆம் ஆண்டு இந்திய தந்திச் சட்டத்தின் கீழ் யுனிவர்சல் சர்வீஸ் ஒப்ளிகேஷன் ஃபண்ட் (USOF) என்று அழைக்கப்பட்டது.
ICR வசதிக்கான அறிவிப்பை மத்திய அமைச்சர் ஜோதிராதித்ய சிந்தியா வெளியிட்டார். இதுகுறித்து பேசிய அவர் “இது ஒரு முக்கியமான மைல்கல்லாகும். BSNL, Airtel மற்றும் Reliance ஆகிய தொலைதொடர்பு நிறுவனங்கள் DBN நிதியளிக்கும் அனைத்து தளங்களிலும் தங்கள் உள்கட்டமைப்பைப் பயன்படுத்த முடியும். இது. கிட்டத்தட்ட 27,836 இதுபோன்ற தளங்களுடன், இணைப்பை மட்டுமல்ல, நாடு முழுவதும் உள்ள வாடிக்கையாளர்களுக்கு தேர்வு செய்யும் சுதந்திரத்தையும் நாங்கள் உறுதி செய்கிறோம்.” என்று தெரிவித்தார்.
ICR தொடங்கப்பட்டதன் மூலம் உள்கட்டமைப்பு தேவைகளும் குறையும், ஏனெனில் குறைவான செல்போன் கோபுரங்களை நிறுவினாலே போதும். DBN நிதியளிக்கும் ஒரு கோபுரத்தால் அதிகமான மக்கள் பயனடைவார்கள் . மேலும் 4G சேவைகளை அணுக முடியும். தொலைத்தொடர்புத் துறையின் (DoT) அதிகாரப்பூர்வ அறிவிப்பின்படி, இந்த முயற்சி தோராயமாக இதுபோன்ற 27,000 கோபுரங்களால் சேவை செய்யப்படும் 35,400 க்கும் மேற்பட்ட கிராமப்புற மற்றும் தொலைதூர கிராமங்களுக்கு தடையற்ற 4G இணைப்பை செயல்படுத்தும் என்று எதிர்பார்க்கப்படுகிறது.
Read More : ரூ. 10-க்கு ரீசார்ஜ் செய்தால் 365 நாட்கள் வேலிடிட்டி… TRAI-ன் புதிய விதிகள் விரைவில் அறிமுகம்..!
