ஆதிதிராவிடர் மற்றும் பழங்குடியின மாணாக்கர்களுக்கான போஸ்ட் மெட்ரிக் கல்வி உதவித்தொகை விண்ணப்பிக்க கால அவகாசம் 30.06.2023 வரை நீட்டிப்பு செய்யப்பட்டுள்ளது.
இது குறித்து மாவட்ட சேலம் மாவட்ட ஆட்சித்தலைவர் தனது செய்தி குறிப்பில்; 2022-2023ஆம் கல்வியாண்டில் ஆதிதிராவிடர் மற்றும் பழங்குடியினர் நலத்துறையின் கீழ் செயல்படுத்தப்படும் மத்திய அரசு நிதி ஆதரவிலான போஸ்ட் மெட்ரிக் கல்வி உதவித்தொகை திட்டம் மற்றும் மாநில அரசு சிறப்பு போஸ்ட் மெட்ரிக் கல்வி உதவித்தொகை திட்டங்களின் கீழ் விண்ணப்பிப்பதற்கு ஏதுவாக கல்லூரிகளுக்கான https://tnadtwscholarship.tn.gov.in/ என்ற இணையதளம் மூலம் 30.01.2023 அன்று முதல் திறக்கப்பட்டு 31.05.2023 அன்று வரை கல்வி உதவித்தொகை விண்ணப்பிக்க கால அவகாசம் வழங்கப்பட்டது.
இந்நேர்வில் சில மாணாக்கர்கள் கல்வி உதவித்தொகை விண்ணப்பிக்காமல் விடுப்பட்டுள்ளதால் மாணாக்கர்களின் கல்வி நலன் கருதி 30.06.2023 அன்று வரை கால நீட்டிப்பு வழங்கப்பட்டுள்ளது. இந்த வாய்ப்பினை பயன்படுத்தி விண்ணப்பிக்க தவறிய மாணாக்கர்கள் வருகிற 30.06.2023க்குள் விண்ணப்பித்து பயன்பெறுமாறு மாவட்ட ஆட்சியர் தெரிவித்துள்ளார்.
