தமிழ்நாட்டில் அரசு மற்றும் அரசு உதவி பெறும் பள்ளிகளில் 8ஆம் வகுப்பு படிக்கும் மாணவர்களுக்கு ஒவ்வொரு ஆண்டும் உதவித்தொகை வழங்கப்பட்டு வருகிறது. அதற்காக அரசு சார்பில் தேசிய வருவாய் வழி மற்றும் திறன் படிப்பு திட்டம் செயல்படுத்தப்பட்டு வரும் நிலையில், இந்த திட்டத்தின் கீழ் நடத்தப்படும் தேர்வில் தேர்ச்சி பெறுவோருக்கு மத்திய அரசு சார்பில் உதவித்தொகை வழங்கப்படும்.
அதன்படி, நடப்பு கல்வியாண்டுக்கான தேர்வு பிப்ரவரி 3ஆம் தேதி நடைபெற உள்ளதால், அதற்கான ஹால் டிக்கெட் ஜனவரி 24ஆம் தேதி நாளை முதல் பதிவிறக்கம் செய்து கொள்ளலாம் என தேர்வு துறை அறிவிப்பு வெளியிட்டுள்ளது. இந்த தேர்வில் தேர்ச்சி பெறும் மாணவர்களுக்கு 9ஆம் வகுப்பு முதல் 12 ஆம் வகுப்பு வரை ஆயிரம் ரூபாயும், ஆண்டுக்கு 12,000 ரூபாய் உதவித்தொகை வழங்கப்படும் என்பது குறிப்பிடத்தக்கது.
