நாகின், ஜானி துஷ்மன் போன்ற படங்களை இயக்கிய பிரபல இயக்குனர் ராஜ்குமார் கோஹ்லி மும்பையில் காலமானார். அவருக்கு வயது 95. இவர் இன்று காலை 8 மணியளவில் மாரடைப்பு ஏற்பட்டு உயிரிழந்தார். இறுதிச் சடங்கு மாலை நடைபெறும் என தெரிவிக்கப்பட்டுள்ளது. ஜூஹூவில் உள்ள தனது வீட்டில் குளிக்கச் சென்ற ராஜ்குமார், நீண்ட நேரம் ஆகியும் வெளியே வராததால், அவரது மகன் கதவை உடைத்து பார்த்துள்ளார். பின்னர், அவரை மீட்டு மருத்துவமனைக்கு கொண்டு சென்றார். ஆனால், அவர் உயிரிழந்துவிட்டார்.
இயக்குனர் ராஜ்குமார் கோஹ்லி நாகின், ஜானி துஷ்மன், பட்லே கி ஆக், ராஜ் திலக், ஜீனா நாய் துங்கா, பீஸ் சால் பாத் போன்ற படங்களை இயக்கியுள்ளார். ரீனா ராய், சுனில் தத், ஃபெரோஸ் கான், சஞ்சய் கான், ரேகா மற்றும் மும்தாஜ் நடித்த நாகின் (1976) மற்றும் ரீனா ராய், நீது சிங், சுனில் தத், சஞ்சீவ் குமார், ஜீதேந்திரா மற்றும் சத்ருகன் சின்ஹா ஆகியோருடன் ஜானி துஷ்மன் (1979) ஆகியவை அவரது மிகப்பெரிய வெற்றிகளாகும். இதுன் சக்ரவர்த்தி, டிம்பிள் கபாடியா, மீனாட்சி ஷேஷாத்ரி மற்றும் வினோத் மெஹ்ரா ஆகியோருடன் பீஸ் சால் பாத் (1988) அவரது வெற்றிப் படங்களில் ஒன்றாகும்.
