முன்னாள் WWE மற்றும் AEW மல்யுத்த வீரர் ஜெய்சின் ஸ்டிரைஃப் நீண்ட உடல்நலப் போருக்குப் பிறகு 37 வயதில் காலமானார். நேதன் பிளாட்ஜெட் என்ற இயற்பெயரை மாற்றி ஜெய்சின் ஸ்டிரைஃப் என்று மல்யுத்த களத்தில் பங்குபெற்றார்.WWE மற்றும் ஆல் எலைட் மல்யுத்தம் போன்ற பல மல்யுத்த நிறுவனங்களுக்காக ஸ்டிரைஃப் விளையாடினார். ஜெய்சின் ஸ்டிரைஃப் 2004 இல் அறிமுகமானார் மற்றும் மேக்னம் ப்ரோ மல்யுத்தத்தை 2010 இல் தொடங்கினார், அங்கு அவர் விளம்பரதாரராகவும் பணியாற்றினார்.
ஜெய்சின் ஸ்டிரைஃப் மரணத்திற்கான சரியான காரணம் வெளியிடப்படவில்லை. அவரது சகோதரர் பல நாள் நோயுடன் போராடி வந்த ஜெய்சின்டிசம்பர் 29ஆம் தேதி இறந்ததாக சமூகவலைத்தளத்தில் வாயிலாக அறிவித்தார். ஜெய்சின் ஸ்டிரைஃப் 2018-ல் அகிரா டோசாவாவுக்கு எதிராக 205 WWE-ல் போட்டியிட்டார்.
ஜெய்சின் ஸ்டிரைஃப் மரணம் குறித்து WWE அதிகாரியான ஆடம் பியர்ஸ் ட்விட்டர் பதிவில்”காட்ஸ்பீட், ஜெய்சின். எப்போதும் சரியான முறையில் செய்ததற்கு நன்றி. என்னையும் சேர்த்து நீங்கள் யாரையும் மரியாதைகுறைவுடன் நடத்துவதை நான் பார்த்ததில்லை. நாம் சந்தித்து, ஒன்றாக வேலை செய்ததில் நான் மகிழ்ச்சியடைகிறேன், மேலும் சில வாரங்களுக்கு முன்பு நாங்கள் சந்தித்ததில் நான் மிகவும் மகிழ்ச்சியடைகிறேன். நன்றாக ஓய்வெடுங்கள் தம்பி” என்று உருக்கமாக பதிவிட்டிருந்தார். ஜெய்சின் ஸ்டிரைஃப் மறைவிற்கு மல்யுத்த வீரர்கள் மற்றும் பிரபலங்கள் என பலரும் இரங்கல் தெரிவித்து வருகின்றனர்.
