இந்தியா – வங்கதேசம் இடையேயான உலகக் கோப்பை கிரிக்கெட் போட்டி புனே நகரில் நடைபெற்று வருகிறது. இந்த போட்டியின் 9-வது ஓவரை வீச வந்த ஹர்திக் பாண்டியா, பந்தை தடுக்க முயன்றபோது, பந்து காலில் பலமாக பட்டதில் அவர் காயமடைந்தார். வலியால் துடித்த அவர் உடனடியாக மருத்து பரிசோதனைக்காக அழைத்து செல்லப்பட்டார்.
அவர் அந்த ஓவரில் 3 பந்துகள் மட்டுமே வீசிய நிலையில், காயம் காரணமாக வெளியேறியதால், மீதமுள்ள பந்துகளை வீச புதிய பவுலர் தேவைப்பட்டார். இதையடுத்து, விராட் கோலி 9-வது ஓவரின் மீதமுள்ள 3 பந்துகளை வீசினார்.
கோலி கடைசியாக கடந்த 2017ஆம் ஆண்டு இலங்கைக்கு எதிரான போட்டியில் பந்து வீசினார். இதில் 2 ஓவருக்கு 12 ரன்களை விட்டுக்கொடுத்த அவர் விக்கெட் ஏதும் எடுக்கவில்லை என்பது குறிப்பிடத்தக்கது. ஒருநாள் போட்டிகளில் 161 ஓவர்களை வீசியுள்ள அவர் 8 விக்கெட்டுகளை வீழ்த்தியுள்ளார்.
