நாட்டின் மிகப்பெரிய போக்குவரத்துத் துறையாக இந்திய ரயில்வேத்துறை செயல்பட்டு வருகிறது. தற்போது, ரயில்வேயில் காலியாக உள்ள பணியிடங்களை நிரப்புவதற்கான அறிவிப்பு வெளியாகியுள்ளது. அதன்படி, ஆராய்ச்சி/வேதியியல் மேற்பார்வையாளர்/ ஆராய்ச்சி மற்றும் உலோகவியல் மேற்பார்வையாளர்கள் உட்பட ஜூனியர் இன்ஜினியர், கெமிக்கல் & மெட்டலர்ஜிக்கல் அசிஸ்டெண்ட் உள்ளிட்ட 7,934 பணியிடங்கள் காலியாக இருப்பதாக தெரிவிக்கப்பட்டுள்ளது.
இந்த பணிகளுக்கான விண்ணப்ப செயல்முறை ஏற்கனவே முடிவடைந்த நிலையில், RRB JE தேர்வு 2024 டிசம்பர் 13 முதல் 17ஆம் தேதி வரை நடைபெறவுள்ளது. இதில், இரண்டு கணினி அடிப்படையிலான சோதனைகள் (CBT 1 மற்றும் CBT 2) ஆகியவை அடங்கும். அதைத் தொடர்ந்து ஆவண சரிபார்ப்பு, மருத்துவப் பரிசோதனை நடைபெறும். இந்த பணிகளுக்கு மாத சம்பளமாக ரூ.35,400 முதல் ரூ.44,900 வரை வழங்கப்படும் என தெரிவிக்கப்பட்டுள்ளது.
கணினி அடிப்படையிலான தேர்வு நிலை 1:
தேர்வு செயல்முறையின் முதல் கட்டம் கணினி அடிப்படையிலான தேர்வு. இது பொது நுண்ணறிவு மற்றும் பகுத்தறிவு, கணிதம், பொது விழிப்புணர்வு, பொது அறிவியல் போன்ற பல்வேறு பாடங்களை உள்ளடக்கிய பல தேர்வு கேள்விகளைக் கொண்டுள்ளது. விண்ணப்பதாரர்கள் அடுத்த கட்டத்திற்கு செல்ல குறைந்தபட்ச தகுதி மதிப்பெண்களை அடைய வேண்டும்.
கணினி அடிப்படையிலான தேர்வு நிலை 2:
CBT நிலை 1 இல் தகுதிபெறும் விண்ணப்பதாரர்கள் கணினி அடிப்படையிலான தேர்வான 2ஆம் கட்டத்திற்கு தகுதி பெறுவார்கள். இது மிகவும் விரிவாக நடத்தப்படும். பாடங்களில் சிவில் இன்ஜினியரிங், எலக்ட்ரிக்கல் இன்ஜினியரிங், மெக்கானிக்கல் இன்ஜினியரிங், எலக்ட்ரானிக்ஸ் இன்ஜினியரிங் போன்ற தலைப்புகள் இருக்கலாம்.
உடற்தகுதி தேர்வு :
ஆவண சரிபார்ப்புக்குப் பிறகு, விண்ணப்பதாரர்கள் வேலைக்குத் தேவையான மருத்துவத் தரங்களைப் பூர்த்தி செய்வதை உறுதி செய்வதற்காக ரயில்வேயால், மருத்துவத் தகுதித் தேர்வை மேற்கொள்ள வேண்டும். பணியின் தன்மை, ரயில்வே நிர்வாகத்தால் நிர்ணயிக்கப்பட்ட தரங்களைப் பொறுத்து மருத்துவ உடற்பயிற்சி அளவுகோல்கள் மாறும்.
இறுதி தகுதி பட்டியல் :
CBT நிலை 2 இல் உள்ள விண்ணப்பதாரர்களின் செயல்திறன் அடிப்படையில் இறுதி பட்டியல் தயாரிக்கப்படுகிறது. தகுதி பட்டியல் ஜூனியர் பொறியாளர் பதவிக்கான இறுதி தேர்வை தீர்மானிக்கிறது. மெரிட் லிஸ்டில் அதிக மதிப்பெண் பெற்றவர்கள் இந்தப் பணிக்கு தேர்ந்தெடுக்க வாய்ப்புகள் அதிகம்.
Read More : புதிய கட்சி தொடங்குபவர்களுக்கு..!! திமுகவை அழிக்க திட்டமா..? விஜய்யை அட்டாக் செய்த CM..!!
