சீனாவில் HMPV வைரஸ் பரவி வரும் நிலையில், இந்தியாவில் உள்ள சுவாச நோய் மற்றும் பருவகால காய்ச்சலை உன்னிப்பாக கவனித்து வருவதாக மத்திய அரசு தெரிவித்துள்ளது. மத்திய சுகாதார அமைச்சகத்தின் கீழ் உள்ள தேசிய நோய் கட்டுப்பாட்டு மையம் இந்த தகவலை தெரிவித்துள்ளது. மேலும் சர்வதேச நிறுவனங்களுடன் தொடர்பில் இருப்பதாகவும் தகவல்கள் தெரிவிக்கின்றன.
தொடர்ந்து நிலைமையை உன்னிப்பாகக் கண்காணித்து, தகவலை சரிபார்த்து அதற்கேற்ப அப்டேட் செய்வோம் என்றும் மத்திய அரசு வட்டாரங்கள் தெரிவிக்கின்றனர். சீனாவில் HMPV என்று அழைக்கப்படும் மனித மெட்டாப்நியூமோவைரஸ் பரவி வரும் நிலையில் மத்திய அரசு இந்த தகவலை தெரிவித்துள்ளது.
முன்கூட்டியே நடவடிக்கை எடுக்க வலியுறுத்தும் நிபுணர்கள்
டிசம்பர் 16-22 வரையிலான தரவு, சீனாவில் பருவகால காய்ச்சல், ரைனோவைரஸ், சுவாச ஒத்திசைவு வைரஸ் (RSV) மற்றும் HMPV உள்ளிட்ட கடுமையான சுவாச நோய்த்தொற்றுகளின் எண்ணிக்கை அதிகரித்து வருவதை காட்டுகிறது. இது அடுந்த கோவிட் பெருந்தொற்றாக மாறுமா என்ற அச்சம் எழுந்துள்ளது.
சீனாவில் HMPV பரவலைத் தடுப்பதற்கான தீவிர கண்காணிப்பு மற்றும் முன்கூட்டியே கண்டறியும் வழிமுறைகளின் அவசியத்தை எடுத்துக்காட்டுகிறது என்று மருத்துவ நிபுணர்கள் தெரிவிக்கின்றனர்.
டாக்டர் டாங்ஸ் ஆய்வகத்தின் CEO டாக்டர் அர்ஜுன் டாங் இதுகுறித்து பேசிய போது ” HMPV வைரஸ் பரவல், சுவாச வைரஸ்களால் எப்போதும் உருவாகி வரும் சவால்களை அடிக்கோடிட்டுக் காட்டுகிறது. HMPV, ஒப்பீட்டளவில் குறைவாக அங்கீகரிக்கப்பட்ட நோய்க்கிருமி, உலகளவில் பருவகால சுவாச நோய்களுக்கு ஒரு அமைதியான பங்களிப்பாளராக உள்ளது. Dr Dangs Lab இல் காய்ச்சல் காலங்களில் HMPV பாதிப்புகளை நாங்கள் சந்தித்து வருகிறோம்.
குறிப்பாக இளம் குழந்தைகள், முதியவர்கள் மற்றும் சமரசம் செய்யப்பட்ட நோயெதிர்ப்பு சக்தி குறைவாக உள்ளவர்களுக்கு இந்த பாதிப்பு அதிகம் உள்ளது. எனினும் தற்போது வைரஸ் பரவலை கட்டுப்படுத்துவதற்கான உயர்ந்த கண்காணிப்பு, முன்கூட்டியே கண்டறிதல் வழிமுறைகளின் அவசியத்தை எடுத்துக்காட்டுகிறது.” என்று தெரிவித்தார்.
HMPV வைரஸ் பொதுவாக மற்ற சுவாச வைரஸ்களைப் போன்ற அறிகுறிகளைக் காட்டுகிறது என்றும், அதன் பரவல் விரைவாக கட்டுப்படுத்தப்படாவிட்டால், அது சுகாதார அமைப்பில் அதிக பிரச்சனைகளை ஏற்படுத்தும் என்றும் டாக்டர் டாங் தெரிவித்தார்..
மேலும் ” HMPV பொதுவாக காய்ச்சல், இருமல், மூக்கடைப்பு மற்றும் மூச்சுத்திணறல் உள்ளிட்ட பிற சுவாச வைரஸ்களை போலவே அறிகுறிகள் தோன்றுகிறது. ஆனால் நிலைமை மோசமாகும் போது மூச்சுக்குழாய் அழற்சி அல்லது நிமோனியாவுக்கு வழிவகுக்கும், குறிப்பாக அதிக ஆபத்துள்ள மக்களுக்கு இந்த பிரச்சனை ஏற்படலாம்.. இந்த வைரஸ் பரவலை விரைவாகக் கட்டுப்படுத்தப்படாவிட்டால் சுகாதார அமைப்பில் குறிப்பிடத்தக்க பாதிப்பு இருக்கும்” என்று எச்சரித்தார்.
பிசிஆர் சோதனையானது HMPV வைரஸ் கண்டறிவதற்கான தரநிலையாக உள்ளது என்பதையும் டாக்டர் டாங் சுட்டிக்காட்டினார். தொடர்ந்து பேசிய அவர் “ துரதிர்ஷ்டவசமாகHMPV வைரஸுக்கு குறிப்பிட்ட வைரஸ் தடுப்பு சிகிச்சை எதுவும் இல்லை, எனவே அதன் மூலக்கல்லைத் தடுப்பதுதான் ஒரே வழி. தொடர்ந்து கைகளை கழுவுதல், இருமும்போது வாயை மூடுதல் மற்றும் நோய்வாய்ப்பட்ட நபர்களுடன் நெருங்கிய தொடர்பைத் தவிர்ப்பது போன்ற எளிய நடவடிக்கைகள் அதன் பரவலைக் குறைக்க உதவும்.
மேலும் நீரேற்றத்துடன் இருப்பது, காய்ச்சல் கட்டுப்பாடு மற்றும் ஆக்ஸிஜன் சிகிச்சை ஆகியவை மூலம் வைரஸ் பரவலை கட்டுப்படுத்தலாம். வைரஸ் தடுப்பு உத்திகளை வலியுறுத்தும் வலுவான பொது விழிப்புணர்வு பிரச்சாரங்களை அரசாங்க அதிகாரிகள் உறுதி செய்ய வேண்டும்” என்று டாக்டர் டாங் கூறினார்.
