உலகக்கோப்பை ஹாக்கி தொடரில் ஜெர்மனி அணி 3-வது முறையாக சாம்பியன் பட்டம் வென்று அசத்தியுள்ளது.
15-வது உலகக் கோப்பை ஹாக்கி தொடர் கடந்த ஜனவரி 13ஆம் தேதி தொடங்கி, ஒடிசாவில் உள்ள புவனேஸ்வர் மற்றும் ரூர்கேலாவில் கோலாகலமாக நடைபெற்று வந்தது. இந்த தொடரில் பங்கேற்ற 16 அணிகள் 4 பிரிவுகளாக பிரிக்கப்பட்டு போட்டிகள் நடைபெற்றன. அனைத்து லீக், காலியிறுதி மற்றும் அரையிறுதி முடிவில் நடப்பு சாம்பியன் பெல்ஜியம் அணியும், முன்னாள் சாம்பியனான ஜெர்மனியும் இறுதிப்போட்டிக்கு தகுதி பெற்றது. இறுதிப்போட்டியில் பெல்ஜியம்-ஜெர்மனி அணிகள் நேருக்குநேர் மோதின. இப்போட்டியில் முதல் 2 கோல்களை பெல்ஜியம் பதிவு செய்த நிலையில், ஜெர்மனி எந்த கோலையும் பதிவு செய்யவில்லை.
ஆட்ட நேர முடிவில் 3-3 என்ற கோல் கணக்கில் இரு அணிகளும் சமநிலை வகிக்க, பெனாலிடி சூட் அவுட் முறைக்கு ஆட்டம் சென்றது. தொடர்ந்து பெனால்டி ஷூட்அவுட் முறை நடத்தப்பட்டது. இதில் பெல்ஜியம் 4 கோல்கள் அடித்த நிலையில், ஜெர்மனி 5 கோல்களை அடித்து வெற்றி பெற்றது. இதன் மூலம் ஜெர்மனி அணி 3-வது முறையாக உலக ஹாக்கி தொடரில் சாம்பியன் பட்டம் வென்றது.
