பிக்பாஸ் நிகழ்ச்சி கடந்த 50 நாட்களாக நடந்து வரும் நிலையில், தற்போது ஒரு பெரும் திருப்பமாக 3 வைல்ட் கார்டு போட்டியாளர்கள் வர இருப்பதாக அறிவிக்கப்பட்டுள்ளது. ஏற்கனவே 5 போட்டியாளர்கள் பிக்பாஸ் வீட்டுக்குள் வந்த நிலையில், அவர்களில் 2 போட்டியாளர்கள் எலிமினேஷன் ஆகிவிட்டனர். தினேஷ், ப்ராவோ மற்றும் அர்ச்சனா, கானா பாலா ஆகிய 4 வைல்ட் கார்டு போட்டியாளர்களுடன் தற்போது பிக்பாஸ் வீட்டில் 14 போட்டியாளர்கள் உள்ளனர்.
இந்நிலையில், பிக்பாஸ் வீட்டில் மீண்டும் 3 வைல்ட்கார்டு போட்டியாளர்கள் வர இருப்பதாகவும் ஆனால் அவர்களுக்கு பதில் ஏற்கனவே இருக்கும் 3 பேர் வெளியேறுவார்கள் என்றும் பிக்பாஸ் அறிவித்துள்ளார். இதனால் பெரும் பரபரப்பு ஏற்பட்டுள்ளது. 14 போட்டியாளர்களுக்கும் சவால் விடும் 3 போட்டியாளர்கள் உள்ளே வர இருப்பதாகவும் இதனால் ஹவுஸ் மேட் ஆட்டம் காண இருப்பதாகவும் தெரிகிறது.
அதிரடியாக உள்ளே வரும் 3 போட்டியாளர்கள் வென்றால் பிக்பாஸில் தொடரலாம் என்றும் தோற்றால் வைல்ட் கார்டு போட்டியாளர்கள் வழி விட்டு வெளியேற வேண்டும் என்றும் பிக் பாஸ் அறிவித்துள்ளார். வெற்றி பெற்றே ஆக வேண்டிய நிர்ப்பந்தத்தில் தற்போது 14 போட்டியாளர்கள் இருக்கும் நிலையில், இவர்களில் 3 போட்டியாளர்கள் வெளியேறுவார்களா? அல்லது 3 வைல்ட் கார்டு போட்டியாளர்கள் உள்ளே வருவார்களா? என்பதை பொறுத்திருந்துதான் பார்க்க வேண்டும்.
