ஆன்லைன் மூலம் இ-பான் கார்டை பதிவிறக்கம் செய்வது எப்படி என்பதை பார்க்கலாம்…
பான் கார்டு அனைத்திற்கும் முக்கியமான ஆவணமாக இருந்து வருகிறது. காரணம் அதை பயன்படுத்தாமல் எந்த நிதி பரிவர்த்தனையும் நடக்காது. பான் கார்டு இல்லாமல், வங்கி கணக்கைத் தொடங்க முடியாது, நிதி முதலீடு செய்வதில் தொடங்கி தற்பொழுது அனைத்திற்கும் பான் அவசியம், ஒருவர் பான் கார்டை தொலைத்து விட்டால் பல சிக்கல்களை எதிர்கொள்ள நேரிடும். ஆனால் தற்பொழுது, e-PAN எல்லா இடங்களிலும் அனுமதிக்கப்பட்டு ஏற்றுக்கொள்ளப்படுகிறது. அதை எப்படி பதிவிறக்கம் செய்து என்பதை பார்க்கலாம்.
ஆன்லைன் மூலம் இ-பான் கார்டை பதிவிறக்கம் செய்வது:
இ-பான் பெறுவதற்கு நீங்கள் முதலில் https://www.onlineservices.nsdl.com/paam/requestAndDownloadEPAN.html என்ற இணையதளத்திற்கு சென்று லாகின் செய்யவும். பின்னர் e-PAN அட்டை பதிவிறக்கும் விருப்பத்தை கிளிக் செய்யவும். இப்போது உங்கள் PAN எண்ணை உள்ளிடவும்.
பான் எண் தவிர, நீங்கள் உங்கள் ஆதார் எண்ணையும் உள்ளிட வேண்டும். உங்கள் பிறந்த தேதியை உள்ளிட்டு விதிமுறைகளையும் நிபந்தனைகளையும் படித்துவிட்டு Submit செய்யவும். உங்கள் பதிவு செய்யப்பட்ட மொபைல் எண்ணில் OTP வரும். அடுத்து திரையில் OTP ஐ உள்ளிட்டு உறுதிப்படுத்து என்பதைக் கிளிக் செய்யவும்.
நீங்கள் உறுதிசெய்தவுடன், பணம் செலுத்துவதற்கான விருப்பம் உங்கள் முன் தோன்றும். பின்னர் ரூ.8.26 செலுத்த வேண்டும். இதற்கு நீங்கள் Paytm, UPI அல்லது டெபிட் கார்டு மூலம் பணம் செலுத்தலாம். நீங்கள் பணம் செலுத்தியவுடன், இ-பான் கார்டைப் பதிவிறக்க முடியும்.
