விநாயகர் சதுர்த்தியை முன்னிட்டு ரேஷன் கடைகளுக்கு செப்.18ஆம் தேதி விடுமுறை அறிவிக்கப்பட்டுள்ளது.
தமிழ்நாடு அரசு சார்பில் செப்.17ஆம் தேதி அறிவிக்கப்பட்டிருந்த விநாயகர் சதுர்த்தி விடுமுறையை மாற்றி செப்.18ஆம் தேதிதான் விநாயகர் சதுர்த்தி விடுமுறை என்று ஏற்கனவே அறிவிக்கப்பட்டுள்ளது. இதைத்தொடர்ந்து அனைத்து ரேஷன் கடைகளுக்கும் விநாயகர் சதுர்த்தியை முன்னிட்டு 18ஆம் தேதி விடுமுறை நாளாக அறிவிக்கப்பட்டுள்ளது.
இதுதொடர்பாக உணவுப்பொருள் வழங்கல் மற்றும் நுகர்வோர் பாதுகாப்புத்துறை கமிஷனர், அனுப்பியுள்ள சுற்றறிக்கையில், ”விநாயகா் சதுா்த்தி பண்டிகையை முன்னிட்டு, அனைத்து ரேஷன் கடைகளுக்கும் செப்டம்பா் 18ஆம் தேதி பொது விடுமுறை நாளாக அறிவிக்கப்படுகிறது. தமிழக அரசின் விடுமுறைப் பட்டியலில் விநாயகா் சதுா்த்தி பண்டிக்கைக்கான விடுமுறை செப்.17ஆம் தேதி என அறிவிக்கப்பட்டிருந்தது.
இந்த தேதியை செப்டம்பா் 18ஆக மாற்றி தமிழ்நாடு அரசு உத்தரவு பிறப்பித்துள்ளது. இந்த உத்தரவானது, அனைத்து ரேஷன் கடைகளுக்கும் பொருந்தும்” என உணவுப்பொருள் வழங்கல் மற்றும் நுகர்வோர் பாதுகாப்புத்துறை தெரிவித்துள்ளது.
