Mars: மனிதர்கள் இன்னும் செவ்வாய் கிரகத்திற்கு செல்லவில்லை என்றாலும், வரும் ஆண்டுகளில் மனிதர்களை அங்கு அனுப்ப முடியும் என்ற நம்பிக்கை உள்ளது. இதற்கிடையில் ஒரு அதிர்ச்சி தகவல் வெளியாகியுள்ளது. இந்த கிரகத்தில் மனிதர்கள் பச்சை நிறமாக மாறக்கூடும் என்றும் அவர்களின் கண்பார்வை பலவீனமடையலாம் என்றும் நிபுணர்கள் எச்சரித்துள்ளனர்.
Indie 100 இன் அறிக்கையின்படி, டெக்சாஸை தளமாகக் கொண்ட ரைஸ் பல்கலைக்கழகத்தின் உயிரியலாளர் டாக்டர். ஸ்காட் சாலமன், மனிதர்கள் செவ்வாய் கிரகத்தில் குழந்தைகளைப் பெற்றெடுத்தால், அவர்கள் சில தீவிரமான பிறழ்வுகள் மற்றும் பரிணாம மாற்றங்களை சந்திக்க நேரிடும் என்று கூறினார். மேலும், மனிதர்கள் அங்கு வாழ்வது அல்லது செழிப்பது மிகவும் கடினமாக இருக்கலாம் என்று குறிப்பிட்டுள்ளார். செவ்வாய் கிரகத்தில் பிறக்கும் குழந்தைகளுக்கு பலவீனமான தசைகள், பச்சை தோல், பலவீனமான பார்வை மற்றும் உடையக்கூடிய எலும்புகள் போன்ற பிரச்சினைகள் ஏற்படலாம் என்று அவர் கூறினார்.
மனிதர்கள் ஏன் பச்சையாக மாறுவார்கள்? டாக்டர். சாலமன் கருத்துப்படி, இந்த பிறழ்வுகளுக்கான காரணம், அங்குள்ள குறைந்த ஈர்ப்பு சக்தி மற்றும் அதிக கதிர்வீச்சு ஆகும், இது மனிதர்களை பச்சை நிறமாக மாற்றும். செவ்வாய் கிரகம் பூமியை விட சிறிய கிரகம், மற்றும் அங்கு புவியீர்ப்பு பூமியை விட 30% குறைவாக உள்ளது. கூடுதலாக, செவ்வாய் கிரகத்தில் காந்தப்புலம் மற்றும் ஓசோன் அடுக்கு இல்லை, இதன் காரணமாக சூரியனின் புற ஊதா கதிர்கள் மற்றும் காஸ்மிக் கதிர்வீச்சுக்கு நேரடியாக வெளிப்படும்.
அதிக கதிர்வீச்சு காரணமாக, மனித தோலில் புதிய வகை நிறமி உருவாகி, கதிர்வீச்சிலிருந்து தங்களைக் காத்துக் கொள்ள முடியும் என்று டாக்டர் சாலமன் கூறினார். “ஒருவேளை நமது தோலில் கதிர்வீச்சைத் தாங்கும் வகையில் ஒரு புதிய நிறமி உருவாகினால் அது, மனிதர்களை பச்சை நிறமாக மாற்றலாம் என்று கூறியுள்ளார். மேலும், செவ்வாய் கிரகத்தில் மனிதர்களால் வெகுதூரம் பார்க்க முடியாது
குறைந்த புவியீர்ப்பு விசையின் காரணமாக எலும்புகள் உடையக்கூடியதாகவும், அதனால் பிரசவத்தின் போது பெண்களுக்கு கடுமையான பிரச்சனைகளை சந்திக்க நேரிடும் என்றும் டாக்டர் சாலமன் கூறினார். அதே சமயம், மனிதர்களின் பார்வைக் குறைபாடு காரணமாக, மக்கள் செவ்வாய் கிரகத்தில் சிறிய குழுக்களாக வாழ்வார்கள், மேலும் தூரத்தைப் பார்க்க முடியாது. இதுவரை ஆளில்லா விண்கலம் மட்டுமே செவ்வாய் கிரகத்தை சென்றடைந்துள்ள நிலையில், விரைவில் மனிதர்களும் அங்கு செல்ல முடியும் என்பது குறிப்பிடத்தக்கது.
அமெரிக்க விண்வெளி ஆய்வு மையமான நாசா 2030ஆம் ஆண்டுக்குள் செவ்வாய் மற்றும் விண்வெளிக்கு மனிதர்களை அனுப்ப திட்டமிட்டுள்ளது இந்தத் திட்டங்களை முன்னெடுத்துச் செல்ல பல புதிய பணிகளும் விரைவில் தொடங்கப்பட உள்ளன.
Readmore: புதிய அமைச்சர்களாக 4 பேர் இன்று பதவியேற்பு!. யாருக்கு எந்தெந்த இலாக்கா?
