அமெரிக்காவில் நடைபெற்ற கலை கண்காட்சியில், பெண் பார்வையாளர் ஒருவர் தற்செயலாக தொட்டுபார்த்த போது $42,000 மதிப்பிலான கலைச் சிற்பம் உடைந்தது.
அமெரிக்காவின் மியாமி டவுன்டவுனில் உள்ள ஆர்ட் வின்வுட்டில் கலை கண்காட்சி நடைபெற்றது. இதில் வைக்கப்பட்டிருந்த விலையுயர்ந்த கலைச்சிற்பங்களை ஏராளமான கலைஞர்கள் பார்த்துசென்றனர். மேலும், கண்காட்சியில் உலகப் புகழ்பெற்ற கலைஞரான ஜெஃப் கூன்ஸின் விலையுயர்ந்த பார்ப்பதற்கு பளபளப்பான, மின்சார நீல நிறத்திலான சிறிய பலூன் நாய் சிற்பம் கண்காட்சியின் விஐபி முன்னோட்ட நிகழ்வின் போது பெல்-ஏர் ஃபைன் ஆர்ட்டின் சாவடியில் காட்சிக்கு வைக்கப்பட்டிருந்தது.
இந்தநிலையில், கண்காட்சியில் கலந்து கொண்ட பெண் பார்வையாளர் ஒருவர், பீங்கானில் அமைக்கப்பட்டிருந்த சிற்பத்தை தொட்டு பார்த்துள்ளார். அப்போது, $42000 அதாவது இந்திய மதிப்பில் ரூ.35 லட்சம் மதிப்பிலான மின்சார நீல கலைச் சிற்பம் தற்செயலாக கீழே விழுந்து துண்டு துண்டாக நொறுங்கியது. சிற்பம் தரையில் விழுந்தபோது, ஒரு கார் விபத்து எப்படி நெடுஞ்சாலையில் ஒரு பெரிய கூட்டத்தை ஈர்க்கிறது என்பது போல் இருந்தது” என்று வின்வுட் சார்ந்த கலைஞரும் கலை சேகரிப்பாளருமான ஸ்டீபன் காம்சன் கூறினார். உடைக்கப்பட்ட சிற்பம் கூன்ஸின் குடும்பப்பெயர் பொறிக்கப்பட்ட அக்ரிலிக் தளத்தில் செய்யப்பட்ட சிற்பம் என்பது குறிப்பிடத்தக்கது
