செல்போனில் அடிப்பகுதியில் சார்ஜ் போடப்படும் இடத்திற்கு அருகில் இருக்கும் சிறிய ஓட்டை எதற்காக இருக்கிறது என்பதை அறிந்துகொள்வோம்.
இன்றைய நவீன காலத்திற்கு ஏற்றாற்போல் செல்போன்களின் பயன்பாடு அதிகமாகிக்கொண்டே செல்கிறது. இந்த செல்போன்களில் பொருத்தப்பட்டுள்ள ஒவ்வொரு வடிவமைப்பும் ஒவ்வொரு காரணத்திற்காக வைக்கப்பட்டுள்ளது. அதன்படி செல்போன்களில் அமைக்கப்பட்டுள்ள சில வடிவமைப்புகள் குறித்து நமக்கு தெரியாமலே அதை யூஸ் பண்ணிட்டு இருக்கோம். அந்தவகையில், சார்ஜ் செய்யும் இடத்திற்கு அருகில் சிறிய ஓட்டை ஒன்று இருக்கும். அது எதற்காக இருக்கிறது என்பது குறித்து இந்த தொகுப்பில் அறிந்துகொள்வோம்.
அந்த மிகச்சிறிய துளை நம் போனின் இரைச்சலை ரத்து செய்யும் மைக்ரோபோன் ஆகும். அதாவது நாம் போன் பேசும்போது மற்றவருக்கு தெளிவாக கேட்க செய்யும் மைக்ரோபோன் என்று குறிப்பிடலாம். இது நாம் பேசும்போது மட்டுமே இயங்கும் வகையில் வடிவமைக்கப்பட்டுள்ளது. இதன் ஓட்டை சிறியதாக இருப்பதால் பேசும் வார்த்தைகளை தெளிவாக கேட்பதற்கு உதவுகிறது. அதேபோல், நம்மை சுற்றி சத்தம் இருந்தாலும், இந்த மைக்ரோபோன் அனைத்துவித சத்தங்களையும் உள்வாங்காத வகையில் உருக்கப்பட்டுள்ளது. அதாவது செல்போனின் அடிப்பகுதியில் இந்த ஓட்டை இருப்பதாலேயே இரைச்சலை உள்வாகுவதில்லை.அதே நேரத்தில் நாம் பேசும் ஒலி மிகச்சரியாக துளை அருகே இருப்பதால் குரல் தெளிவாக கேட்க உதவுகிறது.