இந்திய அஞ்சல் துறையின் கீழ் இயங்கும் இந்தியா போஸ்ட் பேமெண்ட்ஸ் வங்கி லிமிடெட் (IPPB) உள்ள காலிப்பணியிடங்களை நிரப்புவதற்கான வேலைவாய்ப்பு அறிவிப்பு வெளியாகியுள்ளது. பல்வேறு பிரிவுகளில் உள்ள 68 காலிப்பணியிடங்கள் நிரப்பப்படுகிறது.
கல்வித்தகுதி : இந்தியா போஸ்ட் பேமெண்ட்ஸ் வங்கி லிமிடெட் உள்ள இப்பணியிடங்கள் துறை சார்ந்த பிரிவில் B.E/B.Tech முடித்திருக்க வேண்டும் அல்லது முதுகலை பட்டம் பெற்றிருக்க வேண்டும். உதவி மேலாளர் பதவிக்கு 1 வருடம், மேலாளர் பதவிக்கு 3 வருடம் மற்றும் முதுநிலை மேலாளர் பதவிக்கு 6 வருடம் வரை பணி அனுபவம் தேவை.
சம்பளம் : உதவி மேலாளர் பணிக்கு தோராயமாக மாதம் ரூ.1,40,398 வழங்கப்படும். மேலாளர் பதவிக்கு மாதம் ரூ.1,77,146 வழங்கப்படும். முதுநிலை மேலாளர் பதவிக்கு ரூ.2,25,937 வழங்கப்படும்.
விண்ணப்பிப்பது எப்படி? இப்பணியிடங்களுக்கு விண்ணப்பிக்க விரும்புகிறவர்கள் https://www.ippbonline.com/ என்ற இணையதளத்தில் ஆன்லைன் வழியில் விண்ணப்பிக்க வேண்டும். விண்ணப்பக் கட்டணமாக ரூ.750 செலுத்த வேண்டும். எஸ்சி/எஸ்டி/ மாற்றுத்திறனாளிகளுக்கு ரூ.150 செலுத்தினால் போதுமானது. இப்பணியிடங்களுக்கு விண்ணப்பதாரர்களில் இருந்து தகுதியானவர்கள் நேர்காணல் மூலம் தேர்வு செய்யப்படுவார்கள். தேவை ஏற்பட்டால் ஆன்லைன் தேர்வு மற்றும் குழு கலந்துரையாடல் நடைபெறும்.
Read more ; சைபர் மோசடியைத் தடுக்க சிம் விதிகளில் மாற்றம்.. இதை செய்தால் கடுமையான தண்டனை..!! என்னனு தெரிஞ்சுக்கோங்க..
