வருமான வரித்துறையினர் ஆக்ராவில் ஷூ தயாரிக்கும் நிறுவனத்தில் நடத்தப்பட்ட சோதனையில் சுமார் ரூ. 40 கோடி ரூபாய் ரொக்கம் கைப்பற்றப்பட்டது. அதிகாரிகள் கருத்துப்படி, கைப்பற்றப்பட்ட பணத்தின் எண்ணிக்கை தற்போது நடைபெற்று வருகிறது, மேலும் தொகை அதிகரிக்கும் என்று எதிர்பார்க்கப்படுகிறது.
உத்தரபிரதேச மாநிலம் ஆக்ராவில் ஷூ தயாரிக்கும் நிறுவன உரிமையாளர் மற்றும் அவருக்கு சொந்தமான வீடுகளில் வருமானவரித்துறை அதிகாரிகள் திடீரென சோதனை மேற்கொண்டனர். வருமான வரித்துறையினர் நிறுவனத்தில் நடத்தப்பட்ட சோதனையில் சுமார் ரூ. 40 கோடி ரூபாய் ரொக்கம் கைப்பற்றப்பட்டது.
உத்தரபிரதேச நகரத்தில் குறைந்தபட்சம் மூன்று ஷூ வியாபாரிகளிடம் நடத்தப்பட்ட சோதனைகளின் போது, பெரும் தொகையான பணம் மீட்கப்பட்டது. காலணி நிறுவன உரிமையாளரின் வீட்டில் 500 ரூபாய் நோட்டுகள் அடங்கிய பல கட்டுகளை அதிகாரிகள் கண்டுபிடித்தனர். நோட்டுகளை எண்ண வங்கி அதிகாரிகள் மற்றும் ஊழியர்கள் இல்லத்திற்கு அழைத்துவரப்பட்டுள்ளனர்.
