‘வழக்கு எல்லாம் எனக்கு துணி கடைக்கு சென்று கட்டைப்பை வாங்கி வருவது போல’ என்றும் காவல்துறை பொய்யான காரணங்களை கூறி இளைஞர்கள் மீது தடியடி நடத்தியுள்ளதாகவும் யூடிபர் டிடிஎஃப் வாசன் வீடியோ ஒன்றை வெளியிட்டுள்ளார்.
கடலூர் மாவட்டம் புதுப்பாளையம் பகுதியில் கடந்த சில தினங்களுக்கு முன் செந்தில் செல்வம்
என்ற இயக்குநரின் அலுவலக திறப்புக்காக சிறப்பு விருந்தினராக யூடிபர் டிடிஎஃப் வருகை தந்தார். அவரைக்கான பள்ளி மாணவர்கள் முதல் இளைஞர்கள் வரை அப்பகுதியில் குவிந்து பொதுமக்களுக்கும், போக்குவரத்திற்கும் இடையூறு ஏற்படுத்தும் வகையில் செயல்பட்டனர். இதற்காக காவல்துறை அறிவிப்பு கொடுத்தும் கலையாத அவர்கள் மீது போலீசார் தடியடி நடத்தினர். மேலும் விதிமுறைகளை மீறி செயல்பட்டதாக டிடிஎஃப் வாசன், இயக்குநர் செந்தில் செல்வம் உள்ளிட்ட 300-க்கும் மேற்பட்டோர் மீது வழக்குப்பதிவு செய்யப்பட்டு, அபராதமும் விதிக்கப்பட்டது.
இதனையடுத்து அந்த நிகழ்வு தொடர்பாக புதிய வீடியோ ஒன்றை பதிவிட்டுள்ள டிடிஎஃப் வாசன், “பொய்யான காரணங்களை கூறி மாணவர்கள் மீது போலீசார் தடியடி நடத்தியுள்ளதாகவும், வழக்குப்பதிவெல்லாம் எனக்கு துணிக்கடைக்கு சென்று கட்டைப்பை வாங்கி வருவது போல் என்றும், எனக்கு நிச்சயம் ஒரு காலம் வரும் எனவும் வழக்குப்பதிவெல்லாம் எனக்கு வழக்கமான ஒன்று தான் என அவர் தெரிவித்துள்ளார். 44 நிமிடம் ஓடும் இந்த வீடியோவில் எதிர்காலத்தில் இதற்கான அனைத்து விடைகளும் கிடைக்கும்” என்றும் குறிப்பிட்டுள்ளார்.
