இந்திய சந்தையில் முதன்முறையாக 400cc பிரிவில் இன்லைன் 4 சிலிண்டர் என்ஜின் பெற்ற கவாஸாகி நின்ஜா ZX-4R பைக் விற்பனைக்கு வந்துள்ளது.
ரூ.8,49,000 என்று விலை நிர்ணயிக்கப்பட்டுள்ள இந்த பைக், முழுமையான எல்இடி ஹெட்லைட் கொண்டதாக உள்ளது. இந்திய சந்தையில் தற்போது, மெட்டாலிக் பிளாக் மட்டும் கிடைக்கிறது. மேலும், இதில் உள்ள சிறப்பம்சங்கள் குறித்து பார்க்கலாம். நின்ஜா ZX-4R பைக்கில் பொருத்தப்பட்டுள்ள 399cc, இன்-லைன், நான்கு-சிலிண்டர், லிக்யூடு கூல்டு என்ஜின் ரேம் ஏர் உதவியுடன் 14,500rpm-ல் 80bhp மற்றும் 13,000rpm-ல் 39 Nm வெளிப்படுத்துகின்றது. இதில் ஆறு வேக கியர்பாக்ஸ் இணைக்கப்பட்டு க்விக் ஷிஃப்டரும் உள்ளது.
இசட்எக்ஸ்-4ஆர் பைக் மாடலில் நிசின் நிறுவன நான்கு-பிஸ்டன் ரேடியல் காலிப்பர்களுடன் முன்பக்கத்தில் ட்வீன் 290mm டிஸ்க் பிரேக்கிங் பெற்றும் பின்புறம் ஆக்சிஸ் மாஸ்டர் சிலிண்டரைப் பெற்று 220 mm டிஸ்க் உடன் இரட்டை சேனல் ஏபிஎஸ் உள்ளது. டயர் அளவுகள் 120/70-ZR17 முன் மற்றும் 160/60-ZR17 பின்புறம் பெற்றுள்ளது. 4.3-இன்ச் டிஎஃப்டி டேஷ்போர்டு, சொந்த த்ரோட்டில் மேப்பிங்குடன் ஒவ்வொன்றும் நான்கு பவர் (Sport, Road, Rain மற்றும் கஸ்டம்) மோடுகளை பெறுகிறது, மேலும் ரைடர் எய்ட்களில் டிராக்ஷன் கட்டுப்பாடு மற்றும் விரைவு ஷிஃப்ட்டர் ஆகியவை பெற்றுள்ளது.
