அயோத்தியில் ராமர் கோவில் கும்பாபிஷேக விழா பணிகள் மும்முரமாக நடைபெற்றுவரும் நிலையில், மசூதி கட்ட ராமர் கோவில் போன்ற பிரச்சாரத்தை விரைவில் தொடங்கவுள்ளதாக இந்தோ-இஸ்லாமிக் கலாச்சார அறக்கட்டளை தெரிவித்துள்ளது
கடந்த 1992-ஆம் ஆண்டு பாபர் மசூதி இடிக்கப்பட்டு, அங்கு ராமர் கோவில் கட்டப்படுவதற்கான முன்னெடுப்புகள் நடந்து வந்ததில் இருந்து சர்ச்சையின் மையத்திலேயே இருந்து வருகிறது உத்தர பிரதேச மாநிலத்தின் அயோத்தி நகரம்.கடந்த 2019-ஆம் ஆண்டு அயோத்தியில் பாபர் மசூதி இருந்த சர்ச்சைக்குரிய இடத்தில் ராமர் கோவில் கட்ட அனுமதி அளித்து உச்ச நீதிமன்றம் உத்தரவிட்டது. இதேபோல் தன்னிப்பூரில் மசூதி கட்ட ஐந்து ஏக்கர் நிலம் ஒதுக்க உத்தரவிட்டது. இதனை தொடர்ந்து, கோவில் கட்ட ஓர் அறக்கட்டளை அமைக்கப்பட்டு பணிகள் துரிதமாக நடைபெற்றன.
தற்போது கோவிலின் முதல் கட்டப் பணிகள் முடிவடைந்து, வருகின்ற ஜனவரி 22-ஆம் தேதி இந்திய பிரதமர் நரேந்திர மோதி கோவிலைத் திறந்து வைக்கிறார். பிரான் பிரதிஷ்டா என்ற கும்பாபிஷேக நிகழ்வும் அன்று நடைபெறவுள்ளது. இதையொட்டி ‘அயோத்தி மேம்பாட்டுத் திட்டம்’ என்ற பெயரில் மத்திய, மாநில அரசுகள் சேர்ந்து சுமார் 30,000 கோடி ரூபாய் செலவில் பல மேம்பாட்டுப் பணிகளைச் செய்து வருகின்றன.
இந்தநிலையில், உத்தர பிரதேசத்தின் அயோத்தி நகரத்திலிருந்து சுமார் 25 கி.மீ தொலைவில் அமைந்திருக்கிறது தன்னிபூர் கிராமம். இந்த கிராமத்தில், மசூதி கட்டுவதற்கு இந்தோ-இஸ்லாமிக் கலாச்சார அறக்கட்டளை அமைக்கப்பட்டது. மசூதி மேம்பாட்டுக் குழுவின் புதிய தலைவராக ஹாஜி அரபாத் ஷேக் நியமிக்கப்பட்டார். மகாராஷ்டிராவை சேர்ந்த பாஜக தலைவர் ஆவார். மசூதி கட்டும் பணியை முன்னெடுத்துச் செல்ல ஒரு அறக்கட்டளை உருவாக்கப்பட்டது என்று ஐஐசிஎஃப் தலைவர் ஜாபர் அகமது ஃபாரூக் கூறினார். ஆனால் மசூதிக்கு மஸ்ஜித்-இ-அயோத்தி என்று பெயரிடும் முன்மொழிவை எதிர்த்த ஷேக், அதை முகமது பின் அப்துல்லா மசூதி என்று மாற்றினார். நிதிப்பற்றாக்குறை மற்றும் நிர்வாக தாமதம் காரணமாக மசூதி கட்டும் பணி இன்னும் தொடங்கப்படவில்லை.
4,500 சதுர மீட்டர் பரப்பளவில் உருவாக்கப்பட்ட இந்த திட்டத்தில், மருத்துவமனை, சமுதாய சமையல் கூடம், நூலகம் மற்றும் மசூதியுடன் ஆராய்ச்சி மையம் ஆகியவை அடங்கும். அடித்தளம் அமைக்க உத்தேசித்துள்ளதாக தெரிவிக்கப்பட்டுள்ளது. இது தவிர, “சுமார் 21 அடி இருக்கும் மசூதியில் உலகின் மிகப்பெரிய குரான் வைக்கப்படும்”. ஐந்து மினாரட்டுகள் கொண்ட இந்தியாவின் முதல் மசூதியாகவும் இந்த மசூதி இருக்கும். ஆஜானை முன்னிட்டு நீர் மற்றும் ஒளி நிகழ்ச்சி நடத்தவும் ஏற்பாடுகள் செய்யப்பட்டு வருகின்றன.
மாலையில் தானாக மின்விளக்குகள் எரிந்து காலையில் அணையும் வண்ணம் மசூதியில் மின்விளக்கு ஏற்பாடுகள் செய்யப்படும். மக்களுக்காக மசூதியில் பிரமாண்ட மீன்வளம் நிறுவப்படும், அது துபாயின் மீன்வளம் போல் இருக்கும். மசூதி வளாகத்தில் மருத்துவக் கல்லூரி, புற்றுநோய் மருத்துவமனை மற்றும் சமூக மையம் உள்ளிட்ட உள்ளூர் மக்களுக்கு வசதிகள் இருக்கும்.
இந்தநிலையில், மசூதி கட்டுவதற்காக ராமர் கோயில் போன்ற பிரச்சாரத்தை இப்போது தொடங்கப்போவதாக அறக்கட்டளை தெரிவித்துள்ளது. இதற்காக இந்தாண்டு பிப்ரவரி மற்றும் மார்ச் மாதங்களில் வலைதளம் உருவாக்கப்படும் என்றும் அதில், மசூதி கட்டுவதற்கு QR குறியீடு மூலம் பணத்தை நன்கொடையாக அளிக்கலாம் என்றும் தெரிவிக்கப்பட்டுள்ளது. இதுமட்டுமல்லமால், மசூதி கட்டப்பட்ட பிறகு புதிய வேலை வாய்ப்புகள் உருவாகும் என்ற நம்பிக்கை தன்னிப்பூர் மக்களிடையே உள்ளது.
அயோத்தி ராமர் கோயிலுக்குப் பிறகு தன்னிபூர் கிராமம் மிகப்பெரிய சுற்றுலா மையமாக மாறும் வாய்ப்பு உள்ளது என்றார். தன்னிப்பூரில் இந்துக்களும் முஸ்லீம்களும் நிம்மதியாக வாழ்ந்து வருவதாகவும், ராமஜென்மபூமி-பாபர் மசூதி வழக்கில் உச்ச நீதிமன்ற தீர்ப்புக்குப் பிறகு எந்தப் பதற்றமும் இல்லை என்றும் உள்ளூர்வாசி ஒருவர் கூறினார். தன்னிபூர் மற்றும் மசூதியின் முன்னேற்றத்தை முன்னோக்கி கொண்டு செல்ல வேண்டிய அவசியம் உள்ளது. அயோத்தி இந்தியாவிற்கு ஒரு முக்கியமான பிரச்சினையாக உள்ளது மற்றும் சமூகங்களுக்கு இடையிலான பதட்டங்கள் ஏற்கனவே முடிவுக்கு வந்துள்ளன. இந்தியாவின் கங்கா-ஜமுனி கலாச்சாரத்திற்கு அயோத்தி சிறந்த எடுத்துக்காட்டாக மாறுவதை உறுதி செய்வோம் என்றும் உள்ளூர் வாசிகள் தெரிவித்துள்ளனர்.
