நாட்டின் மிகப்பெரிய வாகனத் தயாரிப்பு நிறுவனங்களில் ஒன்றான மாருதி சுசுகி நிறுவனம் அதன் வாகனங்களின் விலையை, ரூ.32,500 வரை உயர்தியுள்ளது. இந்த விலை உயர்வு பிப்ரவரி 1 முதல் அமளில் இருந்து வருகிறது. அதிகரித்து வரும் உள்ளீட்டு செலவுகள் மற்றும் செயல்பாட்டு செலவுகளுக்கு பதிலளிக்கும் விதமாக இந்த விலை உயர்வு அமலுக்கு வந்ததாக, நிறுவனம் தெரிவித்துள்ளது.
புதிய விலை நிர்ணயக் கட்டமைப்பின் கீழ், சிறிய காரான செலிரியோவின் விலை ரூ.32,500 வரை அதிகரிக்கும். பிரீமியம் மாடல் இன்விக்டோவின் விலை ரூ.30,000 வரை உயரும். பிரபலமான வேகன்-ஆர் ரூ.15,000 வரை உயரும், ஸ்விஃப்ட் ரூ.5,000 வரை உயரும். SUV பிரிவில், பிரெஸ்ஸா மற்றும் கிராண்ட் விட்டாரா விலைகள் முறையே ரூ.20,000 மற்றும் ரூ.25,000 வரை உயரும். ஆல்டோ K10 போன்ற தொடக்க நிலை சிறிய கார்களின் விலைகள் ரூ.19,500 வரை உயரும், எஸ்-பிரஸ்ஸோ ரூ.5,000 வரை உயரும்.
கூடுதலாக, பிரீமியம் காம்பாக்ட் மாடல் பலேனோவின் விலை ரூ.9,000 வரை உயரும், அதே நேரத்தில் காம்பாக்ட் எஸ்யூவி ஃபிராங்க்ஸ் ரூ.5,500 வரை உயரும். காம்பாக்ட் செடான் டிசையர் ரூ.10,000 வரை உயரும். இதற்கிடையில், லாரிகள் மற்றும் பேருந்துகள் போன்ற பெரிய வாகனங்களில் பாதுகாப்பான ஓட்டுநர் தொழில்நுட்பத்தை கட்டாயமாக்கும் புதிய விதியை அரசாங்கம் பரிசீலித்து வருகிறது.
இந்த தொழில்நுட்பத்தில், வாகனத்தை நிலையாக வைத்திருக்கும் அமைப்புகள், அவசர காலங்களில் தானாகவே பிரேக்குகளைப் பயன்படுத்துதல் மற்றும் ஓட்டுநர் மிகவும் சோர்வாக இருக்கும்போது பாதுகாப்பாக ஓட்டுவதைக் கண்டறிதல் போன்ற விபத்துகளைத் தடுக்க உதவும் அம்சங்கள் உள்ளன. சாலைகளில் அனைவரையும் பாதுகாப்பாக வைத்திருக்க புதிய கனரக வாகனங்களில் இந்த மேம்பாடுகளைச் செய்வதில் கவனம் செலுத்தப்படுகிறது.
Read more : புதிய உச்சம்.. ரூ.63 ஆயிரத்தை தாண்டிய தங்கம் விலை..! நகைப்பிரியர்கள் ஷாக்
