Sony: ஜப்பானிய தொழில்நுட்ப நிறுவனமான சோனி தனது பிளேஸ்டேஷன் பிரிவில் இருந்து சுமார் 900 ஊழியர்களை பணிநீக்கம் செய்யவுள்ளதாக அறிவித்துள்ளது.
இதுதொடர்பாக சோனி இன்டராக்டிவ் என்டர்டெயின்மென்ட் வெளியிட்டுள்ள அறிக்கையில், அமெரிக்காவை தளமாகக் கொண்ட ஸ்டுடியோக்களில் பணியாளர்களின் குறைப்பால் inlcuding Insomniac Games, Naughty Dog, Guerrilla Games உள்ளிட்டவை பாதிக்கப்படும்.
இங்கிலாந்து மற்றும் ஐரோப்பிய அடிப்படையிலான ஸ்டுடியோக்களில், “ப்ளேஸ்டேஷன் ஸ்டுடியோவின் லண்டன் ஸ்டுடியோ முழுவதுமாக மூடப்படும் என்றும், கெரில்லா மற்றும் ஃபயர்ஸ்பிரைட்டில் குறைப்புக்கள் இருக்கும் என்றும் கூறப்பட்டுள்ளது. “மறுசீரமைப்பு நடவடிக்கைகளின் ஒரு பகுதியாக உலகளவில் எங்கள் ஒட்டுமொத்த பணியாளர்களின் எண்ணிக்கையை சுமார் 8 சதவீதம் அல்லது சுமார் 900 பேர் வரை குறைக்கும் திட்டத்தை அறிவிக்க நாங்கள் மிகவும் கடினமான முடிவை எடுத்துள்ளோம் என்று பிளேஸ்டேஷன் தலைவர் ஜிம் ரியான் தெரிவித்தார்.
உள்ளூர் சட்டம் மற்றும் ஆலோசனை செயல்முறைகளுக்கு உட்பட்டு இந்த முடிவு எடுக்கப்பட்டுள்ளதாகவும் மேலும், ஆட்குறைப்பு நடவடிக்கையால், உலகம் முழுவதும் உள்ள ஊழியர்கள் பாதிக்கப்பட்டுள்ளனர்,” என்று கூறிய ரியான், “கவனமாக பரிசீலித்து, பல மாதங்களாக பல தலைமைத்துவ விவாதங்களுக்குப் பிறகு, வணிகத்தை தொடர்ந்து வளர்க்கவும் நிறுவனத்தை மேம்படுத்தவும் தெளிவான மாற்றங்கள் செய்யப்பட வேண்டும்” என்றும் பாதிக்கப்பட்ட ஊழியர்களுக்கு உதவ ஆதரவு திட்டங்கள் செயல்படுத்தப்படும் என்று ரியான் உறுதியளிக்கிறார். மேலும், ஜப்பானில், அடுத்த தொழில் ஆதரவு திட்டம் அறிமுகப்படுத்தப்படும், விவரங்கள் பின்னர் அறிவிக்கப்படும் என்று கூறினார்.
