டியூசன் சென்ற மாணவிக்கு பாலியல் தொல்லை கொடுத்த கணித ஆசிரியர் கைது செய்யப்பட்டு சிறையில் அடைக்கப்பட்டார்.
நெல்லை மாவட்டத்தில் முக்கூடல் அருகே உள்ளது சிங்கம்பாறை. இப்பகுதியைச் சேர்ந்தவர் அந்தோணி பனிராஜ். இவரின் மகன் சகாய டெல்பின் ராஜ் (32). இவருக்கு திருமணமாகி 3 வயதில் ஒரு குழந்தை உள்ளது. தான் வசித்து வரும் அதே பகுதியில் உள்ள அரசு உதவி பெறும் பள்ளியில் தற்காலிகமாக கணித ஆசிரியராக பணிபுரிந்து வருகிறார். பள்ளி நேரம் போக வீட்டில் இவர் டியூஷன் சென்டர் நடத்தி வந்துள்ளார். தன்னிடம் டியூசனுக்கு படிக்க வந்த மாணவி ஒருவருக்கு கணித ஆசிரியர் சகாய டெஸ்ட் பின் ராஜ் பாலியல் தொல்லை கொடுத்துள்ளார்.
மேலும், அந்த மாணவியிடம் ஆசைவார்த்தை கூறி பாலியல் பலாத்காரம் செய்யவும் முயன்றுள்ளார். இதனால், அதிர்ச்சி அடைந்த மாணவி, அவரிடமிருந்து தப்பித்துச் சென்றிருக்கிறார். வீட்டிற்கு சென்றதும் பெற்றோரிடம் இதுகுறித்து அழுது கொண்டே சொல்லியிருக்கிறார். இதனைக் கேட்டு அதிர்ச்சி அடைந்த பெற்றோர், ஆத்திரமடைந்து மகளை அழைத்துக் கொண்டு சேரன் மகாதேவி அனைத்து மகளிர் காவல் நிலையத்திற்கு சென்று கணித ஆசிரியர் சகாய டெம்பிள் ராஜ் மீது புகார் கொடுத்துள்ளனர். அதன்பேரில், கணித ஆசிரியர் மீது வழக்குப்பதிவு செய்து அவரை கைது செய்தனர். பின்னர், நீதிமன்றத்தில் ஆஜர்படுத்தி சிறையில் அடைத்தனர்.
