நடப்பு கல்வியாண்டில் எம்பிபிஎஸ் படிப்பில் சேர்க்கப்பட்டுள்ள மாணவர்கள் குறித்த விவரங்களை இணையதளம் மூலம் பதிவேற்றுவதற்கான கால அவகாசம் இன்றுடன் (ஜனவரி 10) முடிவடைகிறது. தேசிய மருத்துவ ஆணையத்தின் வழிகாட்டுதலின்படி, எம்பிபிஎஸ் மாணவர் சேர்க்கை வெளிப்படை தன்மையுடன் மேற்கொள்ள வேண்டும் என தெரிவிக்கப்பட்டுள்ளது. அதேசமயம் நீட் தேர்வு தகுதி அடிப்படையில் மற்றும் அனுமதிக்கப்பட்ட இடங்களின் அடிப்படையில் மாணவர் சேர்க்கை நடைபெற வேண்டும் என குறிப்பிடப்பட்டுள்ளது.
நடபாண்டில் அனுமதிக்கப்பட்ட மாணவர்களின் விவரங்கள், மதிப்பெண் மற்றும் இட ஒதுக்கீடு விவரம் உள்ளிட்ட அனைத்தையும் என்.எம்.சி. இணைய பக்கத்தில் உள்ள மருத்துவ கல்லூரிகளுக்கான பகுதியில் பதிவேற்றம் செய்வதற்கான கால அவகாசம் இன்றுடன் முடிவடைவதாக தேசிய மருத்துவ ஆணையம் அறிவிப்பு வெளியிட்டுள்ளது.
