மிக்ஜாம் புயல் சென்னையை புரட்டிப் போட்ட நிலையில், தன்னை சென்னை கைவிட்டதாக நடிகை ரம்யா தெரிவித்துள்ளது சர்ச்சையை கிளப்பியுள்ளது.
சின்னத்திரையில் தொகுப்பாளினியாக வலம் வரக் கூடியவர் விஜே ரம்யா, நிகழ்ச்சிகளை தொகுத்து வழங்குவது மட்டுமின்றி, சில திரைப்படங்களிலும் இவர் நடித்துள்ளார். தற்பொழுது பிட்னஸ் ட்ரெயினராக பலருக்கும் பயிற்சி கொடுத்து வருகிறார். இது தொடர்பாக தன்னுடைய சமூக வலைதள பக்கங்களிலும் தொடர்ந்து வீடியோவை பதிவிட்டு வருகிறார்.
இந்நிலையில், சென்னை தன்னைக் கைவிட்டதாகவும் தெலங்கானா தன்னைக் காப்பாற்றி விட்டதாகவும் விஜே ரம்யா வெளியிட்டுள்ள பதிவு சர்ச்சையைக் கிளப்பியுள்ளது. விமானத்தில் செல்லும் புகைப்படம் ஒன்றை ரம்யா பகிர்ந்துள்ளார். அதில், தன் தாய் வீடான சென்னை தன்னைக் கைவிட்டதாகவும், இரண்டாம் தாய் வீடான தெலங்கானா காப்பாற்றியதாகவும், சென்னையிலிருந்து தெலங்கானாவுக்கு பயணிக்கும் புகைப்படத்தை வெளியிட்டுள்ளார். இதுதான் தற்போது சர்ச்சையைக் கிளப்பியுள்ளது.
இத்தனை ஆண்டுகள் இங்கே வசித்து புகழ் பெற்றதை மறந்து விட்டாரா? இல்லை அரசை குறை கூறுகிறாரா? என ரசிகர்கள் அவருக்கு கேள்வி எழுப்பி வருகின்றனர்.
