fbpx

காதலி பிரிந்த ஆத்திரத்தில் அடுத்தடுத்து கொலை..!! அதிரவைத்த ரவுடியை தட்டி தூக்கிய போலீஸ்..!!

சென்னை திருவல்லிக்கேணி, அண்ணா நகர், போரூர் பகுதிகளில் வழிப்பறியில் ஈடுபட்ட பட்டாகத்தி ரவுடி கும்பலின் தலைவனை பெங்களூருவில் வைத்துப் போலீசார் கைது செய்துள்ளனர்.

கடந்த டிசம்பர் மாதம் திருவல்லிக்கேணி, அண்ணா நகர் மற்றும் போரூர் பகுதிகளில் பட்டாக்கத்தியுடன் சுற்றித்திரிந்த 8 பேர் கொண்ட கும்பல் மக்களை மிரட்டி செல்போன் மற்றும் பணத்தை பறித்துச்சென்றது. இந்த சம்பவத்தில் தொடர்புடைய ஒரு சிலர் போலீசில் சிக்கிய நிலையில், கும்பலின் தலைவன் இளங்கோ மட்டும் சிக்கவில்லை. அவனை தனிப்படை அமைத்து தேடி வந்தனர். பெங்களூருவில் பதுங்கி இருந்த இளங்கோவை சுற்றி வளைத்து தூக்கி வந்த போலீசார், விசாரணையில் காதலியை பிரித்து விட்டனர் என்பதை காரணம் காட்டி நள்ளிரவில் அவன் செய்த பல கொடூர செயல்கள் அம்பலமானது. செட்டியார் அகரம் பகுதியை சேர்ந்த ரவுடியான இளங்கோ, கடந்த 2020இல் தனது காதலி தன்னிடம் இருந்து பிரிந்து செல்ல காரணமாக இருந்தவர் என்று திருவல்லிக்கேணியைச் சேர்ந்த 55 வயதுடைய ஸ்ரீதர் என்பவரை நள்ளிரவு நேரத்தில் வீடு புகுந்து கத்தியால் சரமாரியாக வெட்டி விட்டு தப்பி உள்ளான்.

இளங்கோ தலைமறைவானதால் அவரது நண்பரான நரேஷை மட்டும் அப்போது போலீசார் கைது செய்து சிறையில் அடைத்தனர். இந்தச் சம்பவத்தை தொடர்ந்து வேலூர் மாவட்டம் காட்பாடி தாலுகா கெம்மராஜபுரம் கிராமத்தில் 3 இளைஞர்களை கொலை செய்து ஆற்றங்கரையில் புதைக்கப்பட்ட வழக்கில் ஒரு ஆண்டு கழித்து இளங்கோ மற்றும் அவனது கூட்டாளிகளை கைது செய்து போலீசார் சிறையில் அடைத்துள்ளனர். சிறையில் இருந்த இளங்கோ சமீபத்தில் நீதிமன்ற பிணையில் வெளியே வந்ததும் மீண்டும் வழிப்பறிக் கொள்ளையில் ஈடுபட்டதாக கூறப்படுகிறது. தனது காதலியை தன்னிடமிருந்து பிரித்த ஸ்ரீதரை கொலை செய்யும் நோக்கில் மீண்டும் கடந்த டிசம்பர் 1ஆம் தேதி தனது கூட்டாளிகளோடு சென்றுள்ளான். அப்போது ஸ்ரீதர் வீட்டில் இல்லாததால் ஏமாற்றத்துடன் திரும்பிய அவன், வழியில் டீக்கடையில் நின்ற முகம்மது ஹர்ஷத் என்ற இளைஞரை பட்டாக்கத்தியால் வெட்டி செல்போன் மற்றும் பணம் ஆகியவற்றை பறித்துள்ளான்.

அன்று இரவே அண்ணா நகர் பகுதியில் சாலையில் சென்ற வாகன ஓட்டிகளை தாக்கி அவர்களிடம் இருந்து செல்போன் மற்றும் பணத்தை பறித்துச் சென்றதும் அதற்கு அடுத்தடுத்த தினங்களில் திருமங்கலம், போரூர் போன்ற பகுதிகளில் வழிப்பறிக் கொள்ளையில் ஈடுபட்டதும் போலீஸ் விசாரணையில் தெரியவந்தது. இளங்கோ மீது சென்னை, வேலூர், காஞ்சிபுரம், செங்கல்பட்டு, திருவள்ளூர் உள்ளிட்ட பல்வேறு மாவட்டங்களில் 3 கொலை உள்ளிட்ட 30-க்கும் மேற்பட்ட பல்வேறு வழக்குகள் நிலுவையில் இருப்பதாக கூறப்படும் நிலையில், ரவுடி இளங்கோவிடம் திருவல்லிக்கேணி தனிப்படை போலீசார் தீவிர விசாரணை மேற்கொண்டு வருகின்றனர்.

Chella

Next Post

’அட்ஜெஸ்மெண்ட் செஞ்சா தான் வாய்ப்பு கிடைக்கும்’..!! நடிகை தேவிப்ரியா ஓபன் டாக்..!!

Sun Jan 29 , 2023
பிரபல சின்னத்திரை நடிகை மற்றும் டப்பிங் ஆர்ட்டிஸ்ட்டான தேவிப்ரியா திரைத்துறையில் அட்ஜெஸ்மெண்ட் செய்யாததால் தான் பல வாய்ப்புகளை இழந்ததாக அதிர்ச்சி காரணத்தை கூறியுள்ளார். சினிமாவை பொறுத்தவரை நடிகர் அஜித்தின் வாலி படத்தின் ஒரு சிறிய காட்சியில் மட்டுமே நடித்து பாராட்டுகளை பெற்றிருப்பார் தேவிப்ரியா. ஆனால், அவர் தொடர்ந்து சினிமாவில் நடிக்கவில்லை. சின்னத்திரையில் வில்லி நடிகை மற்றும் டப்பிங் ஆர்ட்டிஸ்டாக புகழுடன் வலம் வருகிறார். அவர் அண்மையில் அளித்த பேட்டியில், ‘நியாயமா […]
’அட்ஜெஸ்மெண்ட் செஞ்சா தான் வாய்ப்பு கிடைக்கும்’..!! நடிகை தேவிப்பிரியா ஓபன் டாக்..!!

You May Like