தமிழகத்தில் இரவு நேர ஊரடங்கு அமல்படுத்துவது தொடர்பாக தமிழக அரசு ஆலோசனை மேற்கொள்ள உள்ளதாக தகவல் வெளியாகியுள்ளது.
சீனா, ஜப்பான் உள்ளிட்ட நாடுகளில் கொரோனா வைரஸ் மீண்டும் அதிவேகமாக பரவி வருகிறது. இதன் எதிரொலியாக இந்தியாவின் அனைத்து மாநிலங்களிலும் கொரோனா தடுப்பு நடவடிக்கைகள் தீவிரப்படுத்தப்பட்டுள்ளன. விமான நிலையங்களில் பரிசோதனை, பொது இடங்களில் முகக்கவசம் கட்டாயம் என்ற முக்கிய கட்டுப்பாடுகளை மத்திய – மாநில அரசுகள் விதித்து வருகின்றன.
இந்நிலையில், தமிழகத்தில் கடந்த வாரம் ஒற்றை இலக்கத்தில் பதிவாகி வந்த கொரோனா, இந்த வாரம் இரட்டை இலக்கத்தில் பதிவாகியுள்ளது. ஜனவரி மாத மத்தியில் கொரோனா உச்சம் தொடும் என்று எச்சரிக்கப்பட்டுள்ளது. இதனால், கொரோனாவை கட்டுப்படுத்தும் வகையில், பண்டிகை காலங்களில் கட்டுப்பாடு விதிப்பது, இரவு நேர ஊரடங்கு அமல்படுத்துவது உள்ளிட்டவை குறித்து தமிழக அரசு விரைவில் ஆலோசனை மேற்கொள்ளும் என எதிர்பார்க்கப்படுகிறது.
