நீங்கள் எத்தனை முறை கேட்டாலும் பாஜகவுடன் கூட்டணி இல்லை என்ற பதில் தான் என்னிடமிருந்து வரும் என அதிமுக பொதுச்செயலாளர் எடப்பாடி பழனிசாமி கொந்தளித்துள்ளார்.
கிருஷ்ணகிரியில் இன்று செய்தியாளர்களிடம் பேசிய அவர், 2026 சட்டமன்ற தேர்தலில் பாஜகவுடன் கூட்டணி உண்டா? என்ற கேள்விக்கு பதில் அளித்தார். “மீண்டும் மீண்டும் இதே கேள்வியை கேட்க வேண்டாம். பாஜகவுடன் கூட்டணி இல்லை என்பதை பல இடங்களில் பதிவு செய்துவிட்டேன். எத்தனை முறை நீங்கள் இந்த கேள்வியை கேட்டாலும் இதே பதில் தான் என்னிடம் இருந்து வரும்” என்று தெரிவித்தார்.
மேலும், “எங்களை பொறுத்தவரை மக்கள் விரோத திமுக அரசை அகற்ற வேண்டும். பாஜக தவிர மற்ற கட்சிகளுக்கு தான் நான் கூட்டணிக்கு வருமாறு வேண்டுகோள் விடுத்தேன். ஏற்கனவே மக்களவை தேர்தலின் போது பாஜகவுடன் கூட்டணி இல்லை என்பதை தெளிவுபடுத்திவிட்டோம். வரும் சட்டமன்ற தேர்தலில் பாஜகவுடன் கூட்டணி இல்லை என்பதை மீண்டும் தெளிவுபடுத்துகிறேன். இனிமேல் இதே போன்ற கேள்வியை கேட்க வேண்டாம்” என்று தெரிவித்தார்.
தொடர்ந்து பேசிய அவர், ”அதிமுகவை பொறுத்தவரை ஆட்சியில் இருந்தாலும் இல்லாவிட்டாலும், மக்கள் செல்வாக்கு உடைய கட்சியாக உள்ளது என்றும், இந்தியாவின் முதல் மாநிலமாக தமிழ்நாடு விளங்குவதற்கு அதிமுகவின் சிறப்பான ஆட்சியே காரணம்” என்றும் எடப்பாடி பழனிசாமி பேசினார்.
Read More : தமிழ்நாட்டில் இனி தான் சம்பவமே இருக்கு..!! கனமழை தொடருமாம்..!! மீனவர்களே உங்களுக்கும் எச்சரிக்கை..!!
