நாட்டில் UPI மூலம் பணம் செலுத்தும் கோடிக்கணக்கான வாடிக்கையாளர்களுக்கு ஒரு நல்ல செய்தி வந்துள்ளது. இப்போது நீங்கள் யுபிஐ மூலம் EMI-யிலும் பொருட்களை வாங்கலாம். முன்னதாக தவணை முறையில் பொருளை வாங்குவதற்கு கிரெடிட் கார்டு அல்லது டெபிட் கார்டு தேவைப்பட்டது. ஆனால், இப்போது நீங்கள் யுபிஐ கட்டணத்தின் மூலம் EMI விருப்பத்தை பெறலாம். இந்த சலுகையை தனியார் வங்கித்துறையான ஐசிஐசிஐ வங்கி வழங்குவதாக தெரிவித்துள்ளது. ICICI வங்கி வழங்கும் இந்த வசதி கோடிக்கணக்கான வாடிக்கையாளர்களுக்கு மிகவும் பயனுள்ளதாக இருக்கும். ஏனெனில், நாம் UPI செலுத்தும் போது, QR குறியீட்டை ஸ்கேன் செய்து EMI இல் பொருட்களை வாங்க முடியும்.
யுபிஐ கட்டணத்தில் EMI வசதியை ஐசிஐசிஐ வங்கி வாடிக்கையாளர்களுக்கு, நேற்று முதல் (ஏப்ரல் 11) கிடைக்கும் என தெரிவித்துள்ளது. வங்கி வாடிக்கையாளர்கள் பை நவ் பே லேட்டர் வசதியைப் பயன்படுத்தி இந்த சலுகையை பயன்படுத்திக் கொள்ளலாம். எலக்ட்ரானிக் பொருட்கள், மளிகை பொருட்கள், பயணம் மற்றும் ஆடைகள் வாங்குவதற்கு UPI செலுத்திய பிறகு, ஷாப்பிங்கிற்கு செலவழித்த தொகையை மாத தவணை முறையில் செலுத்த முடியும் என்பது தான் இதன் நன்மை.
EMI விருப்பம் எவ்வளவு மாதங்களுக்கு..?
வாடிக்கையாளர்கள் குறைந்தது ரூ.10,000 அல்லது அதற்கு மேற்பட்ட தொகையை 3, 6 அல்லது 9 மாதங்களுக்கு தவணை முறையில் செலுத்தலாம். ஐசிஐசிஐ வங்கியின் டிஜிட்டல் சேனல்கள் மற்றும் பார்ட்னர்ஷிப்களின் தலைவர் பிஜித் பாஸ்கர் கூறுகையில், “தற்போதைய நாட்களில் அதிகபட்ச பணம் UPI மூலம் செய்யப்படுவதை நாங்கள் கண்டறிந்துள்ளோம். வாடிக்கையாளர்கள் பெரும்பாலும் பை நவ் பே லேட்டர் முறையை அதிகளவு தேர்வு செய்வதாக மனி கன்ட்ரோல் தெரிவித்துள்ளது. இந்த 2 போக்குகளையும் கருத்தில் கொண்டு, பே லேட்டர் மூலம் செய்யப்படும் யுபிஐ கட்டணங்களுக்கு உடனடி EMI வசதியை வங்கி அறிமுகப்படுத்துகிறது.
எப்படி EMI வசதியை பயன்படுத்துவது..?
– PayLater இல் EMI வசதியைப் பயன்படுத்த முதலில், ஒரு கடையில் பொருட்களை வாங்கிய பிறகு QR குறியீட்டை ஸ்கேன் செய்ய வேண்டும்.
– பணம் செலுத்துவதற்கு iMobile Pay பயன்பாட்டைப் பயன்படுத்த ஏதேனும் QR ஐ ஸ்கேன் செய்யும் விருப்பத்தைத் தேர்ந்தெடுக்க வேண்டும்.
– பேமெண்ட் தொகை ரூ. 10,000 அல்லது அதற்கும் அதிகமாக இருந்தால், நீங்கள் PayLater EMI-ஐ தேர்வு செய்ய வேண்டும்.
– இதற்குப் பிறகு, 3, 6 அல்லது 9 மாத கால அவகாசம் EMI-க்கு தேர்ந்தெடுக்கப்பட்டு அதன் பிறகு பணம் செலுத்த வேண்டும்.
