Nuclear War: அணு ஆயுதப் போர் போன்ற மோசமான நிகழ்வு நடந்தால் மனிதர்கள் உயிர்வாழும் வாய்ப்புகள் அதிகமாக இருக்கும் இடங்கள் குறித்து அதிர்ச்சி தகவல் ஒன்றை அமெரிக்க நிபுணர் தெரிவித்துள்ளார்.
அமெரிக்கா, இந்தியா, பாகிஸ்தான், வடகொரியா, ரஷ்யா மற்றும் சீனா போன்ற அனைத்து நாடுகளிலும் அணு ஆயுதங்கள் உள்ளன . தற்போதைய உலகளாவிய சூழ்நிலையில், கிட்டத்தட்ட ஒவ்வொரு நாளும் நாடுகளுக்கு இடையே குண்டுவெடிப்பு மற்றும் துப்பாக்கிச் சூடு சம்பவங்கள் அரங்கேறி வருகின்றன. இதற்கு மத்தியில், அணு ஆயுதப் போருக்கு பயப்படுவதும், ஒரு நாடு அணு ஆயுதம் ஏந்தினால், பூமியில் எந்த இடம் பாதுகாப்பாக இருக்கும் என்று ஆச்சரியப்படுவதும் இயற்கையானது.
அந்தவகையில், நாடுகளுக்கு இடையே ஒரு போர், உலகப் போருக்கு இட்டுசென்றால், அவர்களில் ஒருவர் அணு ஆயுதத்தைப் பயன்படுத்த முடிவு செய்தால் என்ன செய்வது? அதனால் ஏற்படும் இழப்புகள் எவ்வளவு ஆபத்தாக இருக்கும் என்பது குறித்து பல்வேறு அச்சங்கள் மக்கள் மனதில் ஓடிக்கொண்டிருக்கும். இந்தநிலையில், அமெரிக்காவைச் சேர்ந்த அன்னி ஜேக்கப்சன் என்ற புலனாய்வு பத்திரிகையாளர் கிரகத்தில் அணுசக்தி யுத்தத்தின் தாக்கம் குறித்து அபரிமிதமான ஆராய்ச்சி செய்துள்ளார்.
அதாவது, அணு ஆயுதப் போர் போன்ற ஒரு மோசமான நிகழ்வு நடந்தால், மனிதர்கள் உயிர்வாழும் வாய்ப்புகள் அதிகமாக இருக்கும் இரண்டு நாடுகளில் மட்டுமே இருப்பதாக அவர் பகிர்ந்து கொண்டார். உள்ளூர் ஊடக அறிக்கையின்படி, அணுசக்தி யுத்தத்தின் முதல் 72 மணி நேரத்திற்குள், சுமார் 5 பில்லியன் மக்கள் இறந்துவிடுவார்கள் என்று அன்னி ஜேக்கப்சன் அதிர்ச்சி தகவலை தெரிவித்துள்ளார்.
அதன்பிறகு தப்பிப்பிழைக்கும் 3 பில்லியன் மக்கள் பல சவால்களை எதிர்கொள்வார்கள். மூன்று கண்டங்களில் உள்ள தீயில் இருந்து வரும் அடர்த்தியான புகை ஒரு சிறிய பனி யுகத்தைத் தூண்டக்கூடும், இது உயிர் பிழைத்தவர்களுக்கு உணவை வளர்க்க இயலாது என்று குறிப்பிட்டுள்ளார்.
உலகின் பெரும்பாலான பகுதிகள், குறிப்பாக மத்திய அட்சரேகைகள் பனிக்கட்டிகளால் மூடப்பட்டிருக்கும் என்றும் அடுத்த 10 ஆண்டுகளுக்கு அயோவா மற்றும் உக்ரைன் போன்ற இடங்கள் பனியால் மூடப்பட்டிருக்கும் என்றும் அணுசக்தி யுத்தத்தின் விளைவு ஆபத்தானது என்றும், விவசாயம் தோல்வியடைந்து அதிக இறப்புகளுக்கு வழிவகுக்கும் என்றும் அன்னி ஜேக்கப்சன் தெரிவித்தார்.
இதையடுத்து, கதிரியக்க விஷம் உள்ளது, ஏனென்றால் ஓசோன் படலம் மிகவும் சேதமடைந்து அழிக்கப்படும், சூரிய ஒளியில் நீங்கள் வெளியே இருக்க முடியாது – மக்கள் நிலத்தடியில் வாழ வேண்டிய கட்டாயம் ஏற்படும் என்றும் காலநிலை மற்றும் வளிமண்டல அறிவியலில் விவசாயம் செய்யக்கூடிய சில இடங்கள் மட்டுமே உள்ளன என்றும் அவை ஆஸ்திரேலியா மற்றும் நியூசிலாந்து என்றும் பகிர்ந்துள்ளார்.
அமெரிக்கா அணுசக்தி பதுங்கு குழிகளைக் கொண்டிருக்கலாம் மற்றும் பாதுகாப்பான புகலிடமாக இருக்கலாம், ஆனால் மின்சாரம் இருக்கும் வரை மட்டுமே. பெட்ரோல் இருக்கும் வரை சிறிய பங்க்கள் செயல்படும். அணு ஆயுதப் போரின் விளைவு பயிர்களை அழிக்கும், மக்கள் பசி மற்றும் கதிர்வீச்சு விஷத்தால் இறக்க நேரிடும் என்றும் எச்சரிக்கைவிடுத்துள்ளார்.
Readmore: மொத்த வாக்கு சதவீதம் 48 மணி நேரத்திற்குள் ஏன் வெளியிட முடியாது?… நீதிமன்றம் சரமாரி கேள்வி!
