ஜம்மு காஷ்மீர் மாநிலம் புட்காம் மற்றும் நகர் மாவட்டங்களில், இரண்டு வெவ்வேறு இடங்களில் நடந்த கையெறி குண்டுத் தாக்குதல்களில், காவல்துறை அதிகாரி ஒருவரும் பொதுமக்களில் ஒருவரும்காயமடைந்ததாக காவல்துறை தெரிவித்துள்ளது. மேலும் புட்காம் மாவட்டத்தின் சதுராவில் இருக்கும் குடியிருப்பு மீதும், நகரில் இருக்கும் காவல் கட்டுப்பாட்டு அறை மீதும் கையெறி குண்டு தாக்குதலை பயங்கரவாதிகள் நடத்தினர்.
புட்காமின் கோபால்போரா சதுரா பகுதியில் பயங்கரவாதிகள் வீசிய கையெறி குண்டில் கரண் குமார் சிங் என்பவர் காயமடைந்தார். அவர் சிகிச்சைக்காக நகரில் இருக்கும் மருத்துவமனையில் சேர்க்கப்பட்டார். அதேபோல், நகரில் இருக்கும் காவல் கட்டுப்பாட்டு அறை மீது பயங்கரவாதிகள் கையெறி குண்டுகளை வீசியதில் காவலர் ஒருவர் காயமடைந்தார்.
அவரும் மருத்துவமனையில் சேர்க்கப்பட்டார். தொடர் சம்பவங்களால், முன்னெச்சரிக்கை நடவடிக்கையாக அப்பகுதி முழுவதும் சுற்றி வளைக்கப்பட்டு பயங்கரவாதிகளை தேடும் பணி நடந்து வருகிறது.
