நேற்றைய தினம் நாடாளுமன்றத்தின் மாநிலங்களவையில் அ.தி.மு.க. எம்.பி. தம்பிதுரை, ஒரே நாடு – ஒரே வாக்காளர் பட்டியலை நடைமுறைப்படுத்துவது தொடர்பாக எழுப்பிய கேள்விக்கு, பதிலளித்த மத்திய அரசின் சட்டத்துறை அமைச்சர் அர்ஜுன் ராம் மேக்வால் “நாடாளுமன்றம், சட்டமன்றம் மற்றும் உள்ளாட்சித் தேர்தல் ஆகிய தேர்தல்களுக்கு பொதுவான வாக்காளர் பட்டியலை அறிமுகப்படுத்த இந்திய சட்ட ஆணையம் தனது 255-வது அறிக்கையில் பரிந்துரைத்திருப்பதாக குறிப்பிட்டார்.
மேலும் இந்த பரிந்துரை சட்டம் மற்றும் நீதித்துறை அமைச்சகத்தின் நாடாளுமன்ற நிலைக்குழுவின் ஆய்வில் இருப்பதாகவும் அர்ஜுன் ராம் மேக்வால் தெரிவித்துள்ளார்.
