கரூரில் பட்டியலின ஊராட்சி மன்ற தலைவிக்கு சாதிரீதியான பாகுபாடு காட்டப்படுவதாக ஊராட்சிமன்றத் தலைவி காவல்நிலையத்தில் பரபரப்பு புகார் அளித்துள்ளார்.
கரூர் மாவட்டம் கரூர் ஊராட்சி ஒன்றியத்திற்கு உட்பட்ட நன்னியூர் ஊராட்சியின் தலைர் , துணைத்தலைவர் உள்பட பத்த பேர் உறுப்பினர்களாக உள்ளனர். அதிமுகவை சேர்ந்த 5 பேரரும் திமுகவைச் சேர்ந்த உறுப்பினர்கள் 5 பேர் என 10 பேர் உறுப்பினர்களாக உள்ள நிலையில் ஊராட்சி தலைவராக சுதா என்பவர் இருக்கின்றார்.
இது குறித்து வாங்கல் காவல் நிலையத்தில் நேற்று ஊராட்சி தலைவி சுதா புகார் அளித்துள்ளார். அதில் , தனது தலைவர் பவியில்கடமையை செய்யவிடாமல் குறுக்கீடு செய்து மன ரீதியாக உளைச்சல் ஏற்படுத்தியும் , சாதி ரீதியாக பாகுபாடு செய்வதாக குறிப்பிட்டுள்ளார். அதிமுகவைச் சேர்ந்த நல்லுசாமி என்பவர் மீது இந்த புகாரை வைத்துள்ளார். அலுவலகப் பணியை செய்வதில் இடையூறு ஏற்படுத்த்தி வரும் முன்னாள் ஊராட்சித் தலைவரான குமாரசாமி ( திமுக)மற்றும் அலுவலகப் பணியில் ஒத்துழைப்பு கொடுக்காத ஊராட்சி செயலர் நளினி மற்றும் அவரது கணவர் மூர்த்தி அலுவலகத்திற்கு வந்து தங்களுக்கு எதிராக செயல்படுவதாக கூறியுள்ளார்.
இது குறித்து நேற்று நன்னியூர் ஊராட்சி மன்ற அலுவலகத்தில்மாவட்ட ஊரக வளர்ச்சி அலுவலர் லீலா குமார் மற்றும் கரூர் வட்டார வளர்ச்சி அலுவலர் விஜயலட்சுமி உள்ளிட்ட அதிகாரிகள் நேரில் விசாரணை மேற்கொண்டனர். முழு விசாரணைக்குப் பின்னர் என்ன நடந்தது என்பது தெரியவரும் என போலீசார் தெரிவித்துள்ளனர்.
