ரயில் டிக்கெட் முன்பதிவு செய்வதற்கான ஐ.ஆர்.சி.டி.சி. இணையதளம் தொழில்நுட்ப கோளாறால் தற்காலிகமாக முடங்கியது.
இந்திய ரயில்வே கேட்டரிங் மற்றும் டூரிசம் கார்ப்பரேஷனின் (IRCTC) இ-டிக்கெட் முன்பதிவு இணையதளம், தொழில்நுட்ப காரணங்களால் தற்காலிகமாக பாதிக்கப்பட்டுள்ளதாக அந்நிறுவனம் இன்று (வியாழக்கிழமை) தெரிவித்துள்ளது.
இது குறித்து ஐ.ஆர்.சி.டி.சி.யின் அதிகாரப்பூர்வ X பக்கத்தில், “தொழில்நுட்ப காரணங்களால் மின் டிக்கெட் முன்பதிவு தற்காலிகமாக பாதிக்கப்பட்டுள்ளது. தொழில்நுட்பக் குழுவினர் இதற்கான பணியில் ஈடுபட்டுள்ளனர், விரைவில் முன்பதிவு செய்யப்படும்” என்று தெரிவித்துள்ளது.
இணையதளம் முடங்கியுள்ளதால். ரயில் டிக்கெட்களை ரத்து செய்ய விரும்புவோர் அல்லது கோப்பு TDR க்கு, ” 14646,0755-6610661 & 0755-4090600 என்ற வாடிக்கையாளர் பராமரிப்பு எண்ணை அழைக்கவும், அல்லது etickets@irctc.co.in என்ற முகவரிக்கு அஞ்சல் அனுப்பவும்” என்று தெரிவிக்கப்பட்டுள்ளது.
