உங்கள் Paytm FASTagல் இருக்கும் பேலன்ஸ்களை நீங்கள் தொடர்ந்து பயன்படுத்தலாம் என்று பேடிஎம் விளக்கமளித்துள்ளது.
டிஜிட்டல் பரிவர்த்தனைகளில் முக்கிய பங்கு வகிக்கும் பேடிஎம் பேமெண்ட்ஸ் பேங்க்ஸ் லிமிடெட் நிறுவனம் இந்தியா முழுவதும் 30 கோடிக்கும் அதிகமான வாடிக்கையாளர்களை கொண்டுள்ளது. இந்நிலையில் இந்தியாவில் பண மதிப்பிழப்பு மற்றும் லாக்டவுன் காலங்களில் பேடிஎம் நிறுவன டிஜிட்டல் வங்கி சேவைகள் விரிவடைய தொடங்கின. ஆனால் தொடக்கம் முதலே ரிசர்வ் வங்கிக்கும் , பேடிஎம் நிறுவனத்துக்கும் மோதல் போக்கே நீடித்து வந்துள்ளது.
பேடிஎம் செயலி மூலம் டிஜிட்டல் பணப் பரிவர்த்தனை, கடன் வழங்குதல் உள்ளிட்ட பணப் பரிவர்த்தனை சார்ந்த சேவைகளை செய்து வருகிறது பேடிஎம் பேமெண்ட்ஸ் லிமிடெட். இந்நிலையில் 2022 மார்ச் மாதம் 11ஆம் தேதி மத்திய ரிசர்வ் வங்கி வெளியிட்ட அறிக்கையில், பிரிவு 35A வங்கிகள் ஒழுங்குமுறை சட்டம் 1949இன் கீழ் இந்த நிறுவனத்தின் செயல்பாடுகளை முடக்குவதாக தெரிவித்தது. கணக்கு மற்றும் செயல்பாடுகளை ஆய்வு செய்து விரிவான தணிக்கை அறிக்கையை சமர்ப்பிக்க தணிக்கையாளர் குழுவையும் நியமித்தது. இதில் பல்வேறு விதிமீறல்கள் கண்டறியப்பட்டதை அடுத்து, ரிசர்வ் வங்கி பேடிஎம் பேமெண்ட்ஸ் லிமிடெட் செயல்பாட்டுக்கு தடை விதிப்பதாக அறிவித்துள்ளது.
பிப்ரவரி இறுதிக்குள் முக்கிய கட்டணச் சேவைகளை நிறுத்துமாறு Paytm Payments வங்கிக்கு அறிவுறுத்தியது. தனித்தனி நிறுவனங்களாக இருந்தாலும், Paytm ஆப் மற்றும் Paytm Payments வங்கி ஆகியவை FASTag உள்ளிட்ட அம்சங்களைப் பகிர்ந்து கொள்கின்றன. தற்போதைய நிலவரப்படி, அனைத்து Paytm சேவைகளும் பிப்ரவரி 29, 2024 வரை வழக்கமாகச் செயல்படும். இருப்பினும், இந்தத் தேதிக்குப் பிறகு Paytm மூலம் வாங்கப்படும் FASTags எப்படி இருக்கும்? மேலும் கார் உரிமையாளர்கள் புதிய FASTagஐ முழுவதுமாக வாங்க வேண்டுமா? என்ற கேள்விகள் எழுகின்றன.
FASTag மற்றும் UPI ஐடி: ஒவ்வொரு FASTag ஆனது தனிப்பட்ட UPI ஐடியுடன் வருகிறது, Paytm FASTag பயனர்களுக்கான Paytm Payments வங்கியுடன் நேரடியாக இணைக்கப்பட்டுள்ளது. சமீபத்திய ரிசர்வ் வங்கி உத்தரவு பிப்ரவரி 29க்குப் பிறகு வாடிக்கையாளர் கணக்குகள் மற்றும் ப்ரீபெய்டு கருவிகளில் கடன் பரிவர்த்தனைகள் அல்லது டாப்-அப்களை கட்டுப்படுத்துகிறது, இது FASTag போன்ற சேவைகளை பாதிக்கக்கூடும். பிப்ரவரி 29 வரை Paytm FASTag இல் இருக்கும் பேலன்ஸ்களை தொடர்ந்து பயன்படுத்தலாம் என்று Paytm உறுதியளித்துள்ளது. அதாவது”உங்கள் Paytm FASTagல் இருக்கும் நிலுவைகளை நீங்கள் தொடர்ந்து பயன்படுத்தலாம்.
கடந்த இரண்டு ஆண்டுகளாக மற்ற வங்கிகளுடன் இணைந்து பணியாற்றி வருகிறோம். தொடர்ந்து இந்த பணியை துரிதப்படுத்துவோம்” என்று பேடிஎம் நிறுவனம் தனது எக்ஸ் பக்கத்தில் தெரிவித்துள்ளது. பிப்ரவரி 29 க்குப் பிறகு FASTag ஐடிகளுக்கு என்ன நடக்கும் என்பது குறித்து தொழில்நுட்ப ரீதியாக Paytm கருத்து தெரிவிக்கவில்லை, ஆனால் வாடிக்கையாளர் அனுபவத்தை உறுதிசெய்ய “பயனுள்ள தீர்வுகளை கண்டறியும் வேலைகளை மேற்கொண்டுள்ளோம் உறுதியளித்துள்ளது.
