மே மாதம் முடியப் போகிறது. இன்னும் 2 நாட்களில் ஜூன் மாதம் தொடங்க உள்ளது. ஒவ்வொரு புதிய மாதத்தின் தொடக்கத்திலும் சில புதிய மாற்றங்கள் நடைமுறைக்கு வரும். அத்தகைய சூழ்நிலையில், ஜூன் மாதத்திலும் இதுபோன்ற சில மாற்றங்கள் நடக்கவுள்ளன. இது நமது பாக்கெட் மற்றும் மாதாந்திர பட்ஜெட்டில் நேரடி தாக்கத்தை ஏற்படுத்தும். எல்பிஜி, சிஎன்ஜி மற்றும் பிஎன்ஜி சிலிண்டர் ஆகியவற்றின் விலைகள் ஒவ்வொரு மாதத்தின் தொடக்கத்திலும் அரசால் நிர்ணயிக்கப்படும். 19 கிலோ எடை கொண்ட வணிக எரிவாயு சிலிண்டர்களின் விலையை அரசு எரிவாயு நிறுவனங்களால் ஏப்ரல், மே மாதங்களில் தொடர்ந்து குறைக்கப்பட்டது. இருப்பினும் 14 கிலோ வீட்டு எரிவாயு சிலிண்டரின் விலையில் எந்த மாற்றமும் செய்யப்படவில்லை. இதுபோன்ற சூழ்நிலையில் ஜூன் மாதத்தில் சிலிண்டர் விலையில் மாற்றம் உள்ளதா? இல்லையா? என்பதையும் பொறுத்திருந்து தான் பார்க்க வேண்டும்.
ஜூன் 1ஆம் தேதி முதல், நாட்டில் மின்சார இருசக்கர வாகனங்கள் விலை உயரும். மே 21ஆம் தேதியன்று வெளியிடப்பட்ட அறிவிப்பின்படி, கனரக தொழில்துறை அமைச்சகம், மின்சார இரு சக்கர வாகனங்களுக்கான மானியத்தை குறைத்துள்ளது. இந்த மானியம் முன்பு கிலோவாட் ஒன்றுக்கு 15 ஆயிரம் ரூபாயாக இருந்தது. இதன் காரணமாக ஜூன் மாதத்தில் மின்சார இருசக்கர வாகனம் வாங்க ரூ.25-30 ஆயிரம் வரை அதிகம் செலவாகும் என எதிர்பார்க்கப்படுகிறது.
வங்கிகளில் இருக்கும் கோரப்படாத டெபாசிட்களின் வாரிசுகளைக் கண்டறியும் பிரச்சாரத்தை ரிசர்வ் வங்கி அறிவித்துள்ளது. ஜூன் 1ஆம் தேதி தொடங்கும் இதில் வங்கிகள் கோரப்படாத டெபாசிட்டுகளின் உரிமையாளர்களைக் கண்டறிந்து உரிமை கோரல்களைத் தீர்க்க முயற்சிக்கும். ஒவ்வொரு மாவட்டத்திலும் ஒவ்வொரு வங்கியின் முதல் 100 உரிமை கோரப்படாத டெபாசிட்டுகளை 100 நாட்களுக்குள் தீர்த்து வைப்பதை இந்த இயக்ககம் நோக்கமாகக் கொண்டுள்ளது.
